Cafeholic

Open Now

Now Closed

以為希爾頓得明將食？過到來見到間新開既西餐廳，見環境不錯，等左大概十分鐘就有位啦！ 我同朋友每人嗌左份set dinner，價錢合理，包餐湯/沙律及飲品。我就揀左煙三文魚沙律，不太咸岩岩好，但佢用既係我唔中意既黑醋，雖然如此但啲菜幾新鮮我食哂朋友既雜菜湯則略嫌太過酸，但足料既！ 到主菜啦！無慮即決我一定係揀扒的，$168一份而且份量適中，女仔食岩岩好。西冷扒我嗌左五成熟，但食落竟然只係得三四成好彩我都食得生，睇黎呢方面大廚要再好手勢啲啦！至於味道都對得住個價錢既，唔係cheap cheap無牛味既扒，算不錯的！最重係佢跟焗薯，簡直係一大驚喜 朋友既帶子意大利飯都不錯，好入味但食落又唔會太膩，而且帶子都好新鮮，值得一試！