醉串 (Closed)

上星期相約幾位小學同學聚舊。就去左銅鑼灣醉串。有幾樣食物一定要食，好似牛舌厚切串燒，我敢講，佢係我食過最好食嘅牛脷，佢腍身得嚟有咬口，一啲都唔韌，而且牛味極濃！而豬頸肉燒得阿香、煙肉蠔卷夠juicy、荔枝煙肉卷香口清新，第到未必食到，最特別嘅係甜品朱古力綿花糖，佢入面底係朱古力，面係綿花糖，再配餅乾食簡直一絕，必試之選。至於店家推介既部隊鍋，賣相十分吸引，夠晒多料，夠晒飽肚。最緊要呢到係多酒水飲，啤酒 日本清酒 韓國燒酒都有，岩晒成班fd吹水，仲要有埋小遊戲提供，包唔會悶。