海福樓 (Closed)

呢餐午餐我請咗半晝假，特登去黃埔花園九期9號水產同我呢個多年冇見嘅朋友食飯，皆因佢住喺東涌，紅磡返工，食飯時間又多一個鐘，所以我就特登去紅磡搵佢食飯，原先我諗住同佢食日本壽司，但係佢提議嚟呢間海福樓，我係第一次嚟㗎，我坐低左帶咗幾個點心等佢嚟，好有驚喜，啲蝦腸好好食，啲蝦好有蝦味，好爽，另外叉燒好厚身，但係好淋，真係可以用juicy黎形容。另外最普通嘅山竹牛肉都好友牛肉味，唔知係咪手打牛肉呢？最想食嘅就係雞包仔啦，冇乜驚喜。