616牛肉火鍋專門店 (皇后大道西)

Open Now

Now Closed

作爲一個打邊爐無牛不歡既人，見到有間主打牛肉火鍋既餐廳當然第一時間要黎試下啦。餐廳以舊式香港做主題，門口就有部舊式遊戲機，牆上仲掛滿以前既海報，仲有d兒時既玩具，令人十分懷念。自助醬料吧 - 醬料都幾齊全，而且又有專門食牛肉既醬料。另外，仲有濕紙巾提供，非常貼心。望到個menu上有好多牛既部位都唔識，不過好彩有簡介介紹每種肉既特色。而且餐桌紙上仲好貼心咁教大家每種肉係長係牛既邊個部位同埋主既時間。食野之餘仲長知識。湯底叫左牛骨清湯同溶岩沙嗲湯底，湯底係見到有好多牛骨，而且仲有蘿蔔、玉米等材料。湯底清甜，d玉米同蘿蔔完全吸收曬湯底既味道，好正！沙嗲湯底又係另一種風味，口感濃郁豐富。話明係牛肉火鍋專門店，當然叫左好多牛肉啦，好彩上菜既時候係隻碟旁邊貼住張紙，跟住餐紙上既指示就會煮到剛剛好好好食。安格斯橫隔肌同牛駝峰牛肉味最重，牛頸脊肉味嫩滑得黎又重牛味，最正係滑尾龍，加左隻雞蛋，超滑！以爲專門食牛肉，其他食材會比較遜色，但係又無，菜同金菇都非常新鮮，而且分量十足。唯一比較遜色既係烏冬，有D雪藏既味道。整體而言，呢個價錢食到呢個質素性價比其實幾高，而且服務都幾好，上菜又快。出面食牛食到咁專根