一盅點心

Open Now

Now Closed

為咗呢個世一燒賣拼盤而嚟，平時去飲茶食點心都一定會叫燒賣，鍾意食燒賣嘅非常推薦你來😉仲可以參加世一挑戰賽遊戲，指定時間答啱拼盤內六款燒賣名就可以半價食到。小店地方唔算大，但座位幾舒服，服務的姐姐都好熱情有效率，落單後上菜又唔會等好耐，點心都是熱辣辣👍🏻🔶世一燒賣拼盤作為「燒賣控」的我超鍾意呢個拼盤，一次過可以食到12 款不同口味，由傳統口味至多款創新口味，甚至有辣味嘅，真係每一款都好有特色。我自己最鍾意係「鮑魚燒賣」同埋「梅菜扣肉燒賣」，燒賣好足料又彈牙。🔶鳳爪排骨飯呢款蒸飯真係特別有風味，排骨、鳳爪調味醃料都幾好味，加埋豉油撈飯好香。🔶黑金流沙包 流沙包一搣開啲饀已經流出嚟，個包好軟熟，餡料亦好香滑。🔶春風得意腸 腸粉包住油炸鬼同蝦肉，上面仲鋪滿蟹籽，好有層次，蝦肉亦很爽彈，口感豐富又鮮味。🔶千島醬脆炸蘿蔔糕 呢個幾得意，蘿蔔糕用炸粉包住炸脆後，再加上千島醬同木魚，食落幾香。🔶秘製牛柏葉 我好鍾意食牛柏葉，去飲茶見到點心有都會叫，調味幾香又入味，不過呢個份量比我想像中少，如果可以多啲就好。