印度皇

Open Now

Now Closed

炸米餅配薄餅汁米餅係一個個圓形既脆球，中間放佐豆蓉，食法係先拎起米餅，再倒啲汁落去，一啖放入口🤭香辣酥脆，口感豐富，而且亦有兩款醬料可以加埋一齊食，一個係甜辣醬，一個係薄荷醬，好開胃🤓鑊仔羊肉羊肉用炆煮既方法，羊味香濃，羊騷味岩岩好，肉質幾腍🤤同洋蔥，薯仔，紅蘿蔔一齊去炆，咖哩醬好香，炆煮得好入味，比較辣既一款咖哩，食得辣既朋友一定要試下🔥牛油雞雞件有幾嚿，每一件都幾大件，而且肉質勁滑嫩，好腍好香😋咖哩醬汁充滿牛油味，椰香味好重，質地幼滑，真係大推！呢個係我食過最好食既一個牛油雞，我地真係清晒啲咖哩汁，黎到一定要試下🤩烤餅我地叫佐蒜蓉味同芝士味，每款都有4大件，焗得好鬆軟😚芝士味果款真係芝味十足，蒜蓉味亦好濃香，就算凍佐食都唔會覺得好飽滯，點咖哩汁黎食係最夾架🥰最後仲送佐兩碗甜品俾我地，好香甜，椰奶味濃，又有啲西米雜果，為晚餐完美作結🍧仲有仲有，杯Mango Lassi超好飲，咸咸地既乳酪，質地稠身，都好香芒果味🥭🥛食物💯環境💯服務💯