Video
Read full review
2023-01-23
372 views
座銀集團旗下來覺大阪既蠔湯拉麵上年5月開幕之後好評如潮，作為蠔fans既我上星期都趁放假黎試下！新品牌NEXT Shikaku位於中環歌賦街，因為座位唔多，假日中午食飯時間黎到都要排30分鐘左右先有位。店內有日籍師傅駐場，只有3款拉麵選擇，分別係牡蠣清湯拉麵 (IKASU) $158、牡蠣白湯拉麵 (IKASU) $158、牡蠣沾麵 (ASOBU) $178。 今次試左白湯拉麵同埋沾麵，每款麵嚟到既時候服務員都會簡單介紹材料同埋細心講解食法，服務態度加分！🍜 牡蠣白湯拉麵 白湯拉麵係用蠔、豚肉同埋雞肉熬成湯底，味道豐富，每啖都充滿蠔既鮮味，完全唔腥🤤湯底配有一隻細蠔、一塊慢煮叉燒同埋少少蠔肉碎。蠔雖然只有一隻細隻，味道好鮮甜✨ 慢煮叉燒味道正常，唔會太淋或者太硬。配料有竹荀、洋蔥粒、紫蘇葉、青檸，可以中和下油膩感😊麵質軟硬適中，吸哂湯底既蠔味，讚讚讚👍👍👍 拉麵既份量適中，白湯濃郁但食哂成碗都唔會覺得膩🤩🤩🌟Lamlam脷指數 😋😋😋😋😋 (5/5)🍜 牡蠣沾麵牡蠣沾麵由特製既蠔醬加上豚骨濃湯製成，一上枱既時候已經聞到好香既蠔味，急不及待要即刻試食🤤沾麵湯底濃稠，湯底既蠔味比白湯湯底更
新品牌NEXT Shikaku位於中環歌賦街，因為座位唔多，假日中午食飯時間黎到都要排30分鐘左右先有位。
店內有日籍師傅駐場，只有3款拉麵選擇，分別係牡蠣清湯拉麵 (IKASU) $158、牡蠣白湯拉麵 (IKASU) $158、牡蠣沾麵 (ASOBU) $178。 今次試左白湯拉麵同埋沾麵，每款麵嚟到既時候服務員都會簡單介紹材料同埋細心講解食法，服務態度加分！
🍜 牡蠣白湯拉麵
白湯拉麵係用蠔、豚肉同埋雞肉熬成湯底，味道豐富，每啖都充滿蠔既鮮味，完全唔腥🤤
湯底配有一隻細蠔、一塊慢煮叉燒同埋少少蠔肉碎。
蠔雖然只有一隻細隻，味道好鮮甜✨
慢煮叉燒味道正常，唔會太淋或者太硬。
配料有竹荀、洋蔥粒、紫蘇葉、青檸，可以中和下油膩感😊
麵質軟硬適中，吸哂湯底既蠔味，讚讚讚👍👍👍
拉麵既份量適中，白湯濃郁但食哂成碗都唔會覺得膩🤩🤩
🌟Lamlam脷指數 😋😋😋😋😋 (5/5)
牡蠣白湯拉麵 (IKASU)
$158
19 views
0 likes
0 comments
🍜 牡蠣沾麵
牡蠣沾麵由特製既蠔醬加上豚骨濃湯製成，一上枱既時候已經聞到好香既蠔味，急不及待要即刻試食🤤
沾麵湯底濃稠，湯底既蠔味比白湯湯底更重，食哂成碗會覺得有少少膩🤭
沾麵配既蠔比白湯拉麵大粒，好飽滿好新鮮。
湯面頭有少少粉紅胡椒粉，食落會有少少辣味。
而麵條既外形好似寬條麵，原來唔係普通拉麵，係長方形既平打麵，口感煙韌，因為麵條含水量低，所以比普通拉麵條更掛汁🤩
食到咁上下D湯涼左，仲可以叫師傅加D熱湯繼續食，加哂分👍
🌟Lamlam脷指數 😋😋😋😋 (4/5)
牡蠣沾麵 (ASOBU)
$178
23 views
0 likes
0 comments
牡蠣沾麵
$178
14 views
0 likes
0 comments
🥢另外仲可以追加配料(清酒牡蠣，慢煮叉燒，櫻木煙燻糖芯蛋)及幾款飲品
✨ 整體評價: 每款湯底既蠔味都好鮮甜，完全唔腥，亦都唔會好咸。
雖然價錢略貴，不過值得一試，尤其白湯拉麵啊🤩 下次會再黎試埋清湯拉麵 😋
✨ Encore指數 ⭐️⭐️⭐️⭐️⭐️(5/5)
Post
