Video
Read full review
2024-07-21
2415 views
位於九龍城衙前圍道嘅「豪門小菜火鍋」未入門口已經感覺到非常地道，店舖分兩層，牆上貼滿招牌菜嘅照片，一目了然，保證你一睇就知道自己想食啲乜嘢，這裏主打手工家常菜、地道鑊氣小炒，九龍城家庭式經營，超級多街坊幫襯，嚟到一定要食佢哋嘅鎮店招牌，🦞西澳龍蝦芝士伊麵，差不多每台必點👍🦞▪️招牌西澳龍蝦芝士伊麵 $ 480份量超級巨型，一份足夠四至五人分享，龍蝦和伊麵，完全被濃濃嘅芝士汁遮蓋，原來用上三種芝士和牛油調製而成，質地黏稠掛汁，怪不得如此濃郁，主角龍蝦份量超多，而且非常厚肉，肉質彈牙又鮮味，伊麵軟腍程度剛好，每一條掛滿芝士醬汁，真係超級惹味，好味道一口接一口不停食🐔▪️芝麻雞 $ 198炸子雞的升級版本，雞皮超香脆，肉質細緻入味，加上黑白芝麻更加香口，旁邊仲有炸蒜和炸粗麵，口感脆卜卜好得意，伴上芝麻雞一齊食，更有風味🥬▪️蟶子生菜包 $ 168老闆娘推薦店舖最新菜式，生菜包就食得多，加咗蟶子肉就第一次試，生菜包餡料保留原有的香辣金不換味道，豬肉切粒粒大細，剛好肥瘦粒粒分明，超級入味，加入咗巨量蟶子肉，鮮味滿瀉，再用新鮮生菜包住，真心好好食🍲▪️花膠魚翅燉雞 $ 58我哋係屋企冇飯主義者，甚少有湯飲
🦞▪️招牌西澳龍蝦芝士伊麵 $ 480
份量超級巨型，一份足夠四至五人分享，龍蝦和伊麵，完全被濃濃嘅芝士汁遮蓋，原來用上三種芝士和牛油調製而成，質地黏稠掛汁，怪不得如此濃郁，主角龍蝦份量超多，而且非常厚肉，肉質彈牙又鮮味，伊麵軟腍程度剛好，每一條掛滿芝士醬汁，真係超級惹味，好味道一口接一口不停食
🐔▪️芝麻雞 $ 198
炸子雞的升級版本，雞皮超香脆，肉質細緻入味，加上黑白芝麻更加香口，旁邊仲有炸蒜和炸粗麵，口感脆卜卜好得意，伴上芝麻雞一齊食，更有風味
🥬▪️蟶子生菜包 $ 168
老闆娘推薦店舖最新菜式，生菜包就食得多，加咗蟶子肉就第一次試，生菜包餡料保留原有的香辣金不換味道，豬肉切粒粒大細，剛好肥瘦粒粒分明，超級入味，加入咗巨量蟶子肉，鮮味滿瀉，再用新鮮生菜包住，真心好好食
🍲▪️花膠魚翅燉雞 $ 58
我哋係屋企冇飯主義者，甚少有湯飲，一見到有燉湯，即刻叫返兩盅潤一潤，原盅清燉，湯頭清澈鮮甜，材料豐富，有花膠、鮮雞、排骨，好清潤
Post
