Cafe Whale

Open Now

Now Closed

西灣河太安樓果然係一個臥虎藏龍嘅地方，估唔到呢間漢堡包店入面竟然有一個咁出色嘅鮮魚湯烏冬，奶白色嘅魚湯一飲就知道真係用新鮮魚自己慢慢煲慢慢淆，入口仲有少少膠狀，滿口都係骨膠原嘅感覺真係冇乜地方做得到，出餐嘅時候佢個湯仲專登打泡所以口感會更加細滑。烏冬有彈性唔係平價貨，花膠係花膠桶而唔係花膠件，入面件魚肚都幾大件，再加埋娃娃菜，另外跟一碟兩粒話梅漬車厘茄，酸酸甜甜味道唔錯，送雪櫃飲品一件，有汽水有紙包檸檬茶或者紙包茶仲有蒸餾水任揀，以$98黎講真係算係物超所值。