Video
Read full review
2010-08-18
119 views
師傅喺呢個環頭, 每日放飯閒閒地都要消費三十至四十蚊, 一d都唔算平, 有時想對自己好少少, 就五十至六十蚊都好理所當然, 有時甚至過百亦是如此, 但咁樣絕對唔係上算;師傅唯有繼續四出搜尋平靚正嘅野食, 最近比師傅發現呢間食店, 似乎值得一試!去到食店前, 望入去唔算太光猛, 師傅亦猶豫左一陣, 正當十五十六之際, (冇錯係十五十六唔係十五二十呀), 突然間比師傅瞄到個價錢, 原來呢間食店打正旗號賣十一蚊碗, 咁嘅情況下師傅幾帶就幾帶, 燒賣就燒賣, 即刻入去搵番個位坐先!入到去都幾爆下, 不過一支公就點塞都會塞到個位嘅, 坐底就即刻叫左碗雲吞米加色, 一碟油菜; 落完單再攞埋對筷子, 雲吞米加色即刻放左喺師傅面前, 正諗緊飲啖湯先定試下粒雲吞啦, 碟油菜亦同時登場, 速度之快就如同奧運100米短跑金牌得主 “保特”嘅世界紀錄一樣, 九秒八六呀!用九秒八六嘅時間放低碗雲吞米同油菜後, 師傅估計大約需用十分鐘時間就可完成賽事; 師傅即刻試下湯底, 湯底入口頗淡, 雖然已經加左腩汁, 但食然食唔到腩汁嘅香和味, 如果冇加腩汁一定仲淡口, 湯底整體係普通, 絕對帶唔起食慾; 而雲吞一碗有四粒
去到食店前, 望入去唔算太光猛, 師傅亦猶豫左一陣, 正當十五十六之際, (冇錯係十五十六唔係十五二十呀), 突然間比師傅瞄到個價錢, 原來呢間食店打正旗號賣十一蚊碗, 咁嘅情況下師傅幾帶就幾帶, 燒賣就燒賣, 即刻入去搵番個位坐先!
入到去都幾爆下, 不過一支公就點塞都會塞到個位嘅, 坐底就即刻叫左碗雲吞米加色, 一碟油菜; 落完單再攞埋對筷子, 雲吞米加色即刻放左喺師傅面前, 正諗緊飲啖湯先定試下粒雲吞啦, 碟油菜亦同時登場, 速度之快就如同奧運100米短跑金牌得主 “保特”嘅世界紀錄一樣, 九秒八六呀!
用九秒八六嘅時間放低碗雲吞米同油菜後, 師傅估計大約需用十分鐘時間就可完成賽事; 師傅即刻試下湯底, 湯底入口頗淡, 雖然已經加左腩汁, 但食然食唔到腩汁嘅香和味, 如果冇加腩汁一定仲淡口, 湯底整體係普通, 絕對帶唔起食慾; 而雲吞一碗有四粒, 粒粒都幾大粒, 入口發現雲吞皮十分薄身, 而且幾滑, 至於餡料嘅蝦肉都幾大隻, 雖然有撈埋豬肉, 但份量絕對唔多, 而且入口十分之爽口, 相比起 “雲吞成”好不知幾多倍, 雲吞絕對唔差喎; 而師傅揀米粉就擺明搏多唔搏差, 取其份量多而味道普普通通就是了, 所以結果亦是如此!
油菜係腐乳通菜, 通菜爽口嫩綠, 賣相得入口亦掂; 食到咁上下, 師傅覺得一碗好似唔多夠, 但叫多碗亦可能過多, 點算好呢? 最後都係決定柯打多一碗牛腩麵, 落完單後呢間食店繼續維持高速度, 一放底師傅就即刻試下牛腩, 牛腩偏瘦, 入口幾韌幾乾, 絕對唔討好, 可幸亦不算太衰, 所以師傅亦能吃下; 至於麵係幼麵, 入口重鹼水味, 但麵身就十分爽口彈牙, 咬下去嘅感覺不錯, 如果能將鹼水味除去, 整個麵身相信會更加出色!
總括黎講食物質素中上, 環境幽暗, 清潔度亦麻麻, 服務亦算不錯, 價錢就便宜到不得了, 十一蚊一碗麵, 五蚊一碟油菜, 師傅埋單廿十七元正, 食到捧住個肚, 所以都幾抵食! 喺呢個環頭竟然有間咁相宜嘅食店, 對於師傅黎講絕對係一個天大喜訊, 加上有如世界紀錄嘅速度, 絕對值得一試, 笑臉要比亦相信會有返啅嘅機會!
Post
