Video
Read full review
2024-08-18
686 views
中環多高質野食就係人都知，不過如果想係香港呢邊搵高質素食有一間大家未必知，就係今日介紹嘅：圓 Yuan。呢間餐廳主打素食fine dinning，想將素食提升層次，由環境去到服務質素都相當高，仲係開放式廚房可以見到大廚們用心烹調，每道菜店員都會用心介紹。有12道菜、5道菜及3道菜供選擇，絕對值得一試！ 🔅小食：合桃、茴香及腰果🔅合桃甜甜地，夠脆；茴香口感脆嫩，味道鮮甜；腰果灑滿海苔粉，又脆又濃 🔅山葵｜萵苣｜；野蕈｜豆乾｜脆盞｜🔅店員介紹建議飲左呢杯酸木瓜x黃金梨飲品先，味道清新鮮甜；山葵｜萵苣食落口感爽脆，略帶甘甜；野蕈｜豆乾｜脆盞係由粒粒豆乾及菇組成，再由脆盞包住，獨特鬆脆 🔅欖菜｜銀絲卷🔅銀絲卷一蒸一炸，店員建議由個底開始食起，再點個欖菜慕絲醬食，個醬有濃濃欖菜味，質感香濃滑溜，食完一啖又想繼續食 🔅蒲燒｜素卷｜海藻🔅素卷配上素日本鰻魚汁，加上海藻、牛蒡及西米。口感軟稔，清新爽彈 🔅油醋｜茴香｜酸木瓜🔅主要由狗牙菜、冰菜及無花果整成。全部食材都非常新鮮，尤其係冰菜口感獨特，口感清脆帶有小小鹹味，配埋無花果及醋格外醒胃 🔅松茸｜菊花浮萍🔅呢個湯真係非常、非常、非常鮮甜！係由野生雲南
🔅小食：合桃、茴香及腰果🔅
合桃甜甜地，夠脆；茴香口感脆嫩，味道鮮甜；腰果灑滿海苔粉，又脆又濃
🔅山葵｜萵苣｜；野蕈｜豆乾｜脆盞｜🔅
店員介紹建議飲左呢杯酸木瓜x黃金梨飲品先，味道清新鮮甜；山葵｜萵苣食落口感爽脆，略帶甘甜；野蕈｜豆乾｜脆盞係由粒粒豆乾及菇組成，再由脆盞包住，獨特鬆脆
🔅欖菜｜銀絲卷🔅
銀絲卷一蒸一炸，店員建議由個底開始食起，再點個欖菜慕絲醬食，個醬有濃濃欖菜味，質感香濃滑溜，食完一啖又想繼續食
🔅蒲燒｜素卷｜海藻🔅
素卷配上素日本鰻魚汁，加上海藻、牛蒡及西米。口感軟稔，清新爽彈
🔅油醋｜茴香｜酸木瓜🔅
主要由狗牙菜、冰菜及無花果整成。全部食材都非常新鮮，尤其係冰菜口感獨特，口感清脆帶有小小鹹味，配埋無花果及醋格外醒胃
🔅松茸｜菊花浮萍🔅
呢個湯真係非常、非常、非常鮮甜！係由野生雲南松茸帶出濃濃嘅甜味，好啱鍾意飲菇湯嘅朋友。其次要讚嘅係個底用左豆腐襯托，而且係經師傅細心一刀刀一小小係個面切絲，刀功細膩，放落湯入面簡直係味覺及視覺衝擊
🔅燕麥｜桃膠｜角瓜🔅
燕麥加上特別調配嘅醬汁味道有點似燕麥加忌廉嘅味道，再加上桃膠一齊食成件事非常滑溜進補
🔅醬烤｜菜花｜千層土豆🔅
玫瑰花及芝麻汁混合而成，顏色鮮紅，灑上椰菜花扒上都幾靚及入味，夠創意；土豆亦炸得鬆脆
🔅粉蒸｜野菜｜陳村粉🔅
醬汁由狀元紅及辣椒混合而成，亦有薯仔、粟米及蓮藕作伴，配陳村粉食幾有嚼勁，食落帶有點點麻辣，都幾過癮
🔅桂花｜雪燕🔅
由高海拔雪膠製成，桂花做底，質感細膩，帶有桂花嘅清新鮮甜，以呢個味道作結真係一流。店員仲話如果有需要可以寫字係隻碟都得架
Post
