Video
Read full review
2022-11-20
1097 views
去東涌食飯通常諗到東薈城，今次捐窿捐罅去咗纜車站附近達東路花園嘅一間新開嘅新派川菜。餐廳由外觀到內在裝潢都別樹一格，高樓底大大塊落地玻璃加半圓弧度嘅設計再襯埋兩邊香港情懷特色牆，空間感十足，感覺優雅時尚。餐牌選擇豐富，有燒烤、打邊爐、川菜可以選擇，辣同唔辣嘅菜式都有，兩個人精選左以下菜式：🫑青椒皮蛋$68皮蛋盡吸青辣椒味嘅精華，皮蛋有嚼勁，味道香辣有層次。🍄 酸辣秀球菌$68店員推介嘅菜式，第一次食秀球菌，口感清爽索汁一流，醬汁酸酸辣辣特別開胃。🥔 青椒土豆絲$78刀工細膩，食落清脆爽口，帶獨特青椒香氣，可口好吃。🫑青椒清香鮮田雞 $208水煮同酸辣嘅口味就食得多，今次試吓青椒湯底嘅川菜，比較少見嘅菜式原來係湖南嘅傳統名菜，田雞肉質細嫩，湯頭鮮甜集藤椒、青椒、辣椒、芫荽嘅味道於一身，辣得嚟味道清香，加左鮮筍同稻庭烏冬索盡湯頭精華，食完會好想再食嘅湯底。🍸The hidden Heat $88 (Cocktail)Tequila 1800,Lime, Blue Curaçao, Elderflower, Orange Curaçao Tiffany blue 嘅顏色非常吸睛，入口集青檸同
餐廳由外觀到內在裝潢都別樹一格，高樓底大大塊落地玻璃加半圓弧度嘅設計再襯埋兩邊香港情懷特色牆，空間感十足，感覺優雅時尚。
餐牌選擇豐富，有燒烤、打邊爐、川菜可以選擇，辣同唔辣嘅菜式都有，兩個人精選左以下菜式：
🫑青椒皮蛋$68
皮蛋盡吸青辣椒味嘅精華，皮蛋有嚼勁，味道香辣有層次。
47 views
0 likes
0 comments
🍄 酸辣秀球菌$68
店員推介嘅菜式，第一次食秀球菌，口感清爽索汁一流，醬汁酸酸辣辣特別開胃。
15 views
0 likes
0 comments
🥔 青椒土豆絲$78
刀工細膩，食落清脆爽口，帶獨特青椒香氣，可口好吃。
32 views
0 likes
0 comments
🫑青椒清香鮮田雞 $208
水煮同酸辣嘅口味就食得多，今次試吓青椒湯底嘅川菜，比較少見嘅菜式原來係湖南嘅傳統名菜，田雞肉質細嫩，湯頭鮮甜集藤椒、青椒、辣椒、芫荽嘅味道於一身，辣得嚟味道清香，加左鮮筍同稻庭烏冬索盡湯頭精華，食完會好想再食嘅湯底。
21 views
0 likes
0 comments
🍸The hidden Heat $88 (Cocktail)
Tequila 1800,Lime, Blue Curaçao, Elderflower, Orange Curaçao
Tiffany blue 嘅顏色非常吸睛，入口集青檸同接骨木花味道於一身～
🍹Heat Neutralizer $58 (Mocktail)
Orgeat, Lemon Juice, Basil, Club Soda
酸甜清新嘅配搭帶陣陣杏仁香，好refresh~
28 views
0 likes
0 comments
35 views
0 likes
0 comments
估唔到柳暗花明又一村有一間咁高質嘅川菜，相信好快會成為東涌嘅人氣餐廳，鍾意食辣嘅朋友快啲去試吓啦。
Post
