Canteen

Open Now

Now Closed

今日同同事出去上環食午餐，原本諗住去嘅一間coffee Shop執咗笠，唔打唔撞入咗呢間餐廳。入去嗰陣時差唔多一點鐘，正常啲餐廳應該都差唔多滿座，但見到一啲都唔滿，原本仲擔心唔好食，點知原來個lunch都幾好味。價錢大約$98-$138，已上環來講，屬於中價。頭盤叫咗個餐湯今日係薯仔蜆肉湯，個湯都幾好飲見到有得食羊架，毫不猶豫選擇左佢。估唔到有三件咁多，煎得好香口，唔會太過老。薄荷醬分開上非常貼心，配菜有薯蓉，食到一粒粒嘅薯仔。同事叫咗煎三文魚賣相幾好，另外兩位叫咗牛扒，試食咗少少，煎得幾好，火候控制得唔錯。