半島漁港/阿翁火鍋館 (南昌薈)

Open Now

Now Closed

本來想去V walk試下度小月,奈何新商場啱啱開幕,人真的太多,每間食肆都要等位輪候,朋友就建議過黎連接住既南昌屋邨商場望下睇下有無岩心水。本來覺得要去屋邨商場酒樓好驚有伏,點知都幾有驚喜酒樓好大,分別有食小菜晚飯同埋打邊爐,呢一晚都有八成滿座。我哋一坐低,侍應就為我哋推介$1優惠,分別有乳豬/乳鴿/燒鵝等既選擇呢度都幾多人所以比較嘈,但勝在每張檯又未算痴得好埋,所以都傾到偈。我哋叫咗一個啫啫通菜煲,鮑魚雞煲,$1BB豬,兩個人食絕對足夠bb豬一共有六件,偏肥,皮脆,但既然係$1,仲邊度可以挑剔呢通菜好香,略嫌有啲黃比較老,味道都唔錯既,好正常。鮑魚雞煲有驚喜,一煲有好似5隻鮑魚仔,本來以為都係得兩隻喺上面裝飾下,點知好足料,味道都幾惹味呢度雖然係一間屋邨酒樓,不過服務態度都幾好,如果黎開南昌呢個地方,想搵間酒樓食飯可以揀呢度,而且都幾乾凈企理。