拉麵天王

Open Now

Now Closed

嗰日經過紅磡，突然好想食拉麵，紅磡呢一個美食雲集嘅地方都有唔少拉麵嘅選擇，但我同朋友今次就想試吓呢間拉麵店，一來未試過二來就係因為佢係黃店所以想支持下。入到去成個裝修到好有日本風味，佢落單嘅方式係用紙寫低，我就叫咗個赤天王，個人應為湯底未夠濃郁，而且叉燒質素好普通。我朋友叫咗個期間限定，冇記錯係有蟹嘅，但係佢話嗰陣味好似發咗毛咁，而且好假，絕對唔推薦！其實大家都會想支持黃色經濟圈，但係要呢個經濟圈長遠發展落去唔係淨係單單靠政治立場，希望食物質素亦都可以做好佢令到黃色經濟圈不斷壯大。共勉之！