囍公館 (Closed)

當日下午去了西九，經過FAM，門外坐位坐滿，應該不會太差，點知原來中伏。在門口見到餐牌有火焰朱古力杯好似好吸引，就攞位坐低，點知服務員話下午冇西點，真係激氣，唯有叫其他，最後揀咗桃膠燉雪梨同桃膠燉雪梨，食完真係好失望。🌹桃膠燉雪梨雪梨成個上，想問點食好呢！桃膠已經係平價食材，但只有幾粒，要唔要咁慳呀！最後糖水份量非常少，並且唔甜，唔知食咗乜。🌹蛋白杏仁茶蛋白杏仁茶算叫中規中矩，味道可以，蛋白份量適中，不過價錢貴咗啲。🌹龍鳳配 ～ 彩虹鮮蝦餃 拼野生羊肚菌燒賣為咗每人最低100消費，唯有叫個最平嘅點心，名好似好勁嘅「龍鳳配」，其實就係蝦餃同燒賣，蝦餃隻蝦可以，蝦餃皮彩色算幾靚，燒賣中規中矩，冇特別。🌹人參烏龍茶叫做咗壺人參烏龍茶，剛剛講完服務員忘記咗，又要再點多次。壺茶嚟到，味道好淡，冇人參香味，亦冇烏龍茶味，似飲水。