YAMA (Under Renovation)

老公話：冇得返鄉下，揾間好啲嘅日本餐廳食返餐好嘅。見食評都幾好就訂枱啦，點知去到門口，一入去就知出事，啲枱椅好似豉油西餐廳，又細又迫。餐牌啲相好靚，但圖片只供參考，同上枱嘅完全兩回事。個壽司拼盤啲魚生又薄又冇味，收588得8件，你都俾啲似樣啲，千両都好食過佢。串燒係唔熱，牛舌又薄又乾。 雜錦天婦羅有兩隻小蝦，秋葵茄子椒仔蘆筍各一，秋葵同蘆筍都老到有渣，性價比非常之低。唯一優點係不停勤力加茶。另外吧枱有啲大叔高談寛論，好近，幾嘈吵吓。