晴舍 (Closed)

見雜誌介紹呢間野講到點好點靚，即管一試，點知中伏了。叫左9款串燒，雞翼完全無味，豚肉燒到硬過石頭，廣島蠔細隻到呢（陰公）， 帶子話就話有兩隻但size扁到根本就係將一隻片開變兩隻（咩料呀？駛唔駛孤寒到咁），最好笑係條銀雪魚，應該係我有生以嚟見到最細最扁嘅銀雪魚（應該都係將一塊正常厚度嘅銀雪魚一開為二）。 咁孤寒嘅餐廳真的第1次見。最慘係味道唔掂，救命！另叫左沙律，普普通通。 另外叫左個十勝豚肉煮，嘩大開眼界，又係細件到呢，唔知以為自己去左山區搵野食。 除左環境叫做好之外，無一樣野係掂。 價錢亦與食物質素不相符，成餐兩個人食左600元， 呢個價錢我寧願去居酒屋，至少質素有保証。 呢間，可一不可再，大家小心中伏。