晴舍 (Closed)

5個人星期六出黎食個lunch，想係佐敦搵間坐得舒服又性價比高既餐廳真係唔容易，朋友介紹黎呢間日式餐廳試下，話一來menu多款式，仲有咖啡嘆，價錢抵，黎到試過果然無講錯！環境寬敞，枱與枱之間唔會迫，地方乾淨，侍應都好nice同有禮～ lunch menu都有好多野揀，5個人每人叫左個定食每個定食除左主菜外，仲會配沙律同湯，出面多數都係是但揀一樣，而且份量足夠，唔係細細份唔夠食果種，仲有埋滴漏咖啡，如果揀Latte果d就加少少錢，成個餐非常豐富，價錢又抵除左每人一個定食，仲可以加錢配小食，小食都有好多選擇，味道都好好，價錢又平幾個定食同小食都好正，其中汁燒安格斯牛肉溫泉蛋丼，日式豚肉豆腐定食，同埋小食茄子田樂燒真係非常推薦，仲有好好飲既免費滴漏咖啡，真心正，完全可以用平靚正黎形容一行5人每人只係1百鬆d就已經食到飽飽，仲坐得舒服，味道非常唔錯，性價比高，係一間非常有誠意既日式餐廳，簡直係聚會首選，下次要試下晚餐

之前社交平台睇介紹見到玻璃窗設計好靚咁於是同朋友打算食晚餐試下。吉列豬扒炸得好脆入面又唔會乾芝士年糕份量都多唔似出面餐廳得2件關東煮熱辣辣啱曬天氣涼涼地值得一讚係燒菠蘿好香甜🤤明太子飯團有d鹹但係都ok。最後當然唔少得甜品啦不過雪糕冰感較多窩夫份量唔算多但同朋友一齊食份量都啱啱好環境坐得舒服都適合約會同朋友慶生食飯

今日放假約咗媽咪食晏兼提早做冬，去咗佐敦日本餐廳🇯🇵食，話嗰度嘅咖啡好好飲有水準。餐廳interior design似酒店coffee shop，樓底高擺枱寛敞好舒服。午餐選擇都多，價錢都合理，叫咗個豆腐豚肉鍋$78和角切魚生飯$88，仲叫咗芝麻雞翼和燒茄子，食物味道唔錯，魚生好生鮮，飯🍚係用日本🇯🇵米嘅。我叫咗杯Latte，天鵝🦢拉花超級靚，飲落去仲正。走去水吧溝下個咖啡師，原來咖啡豆係自己炒嘅，仲有做批發，唔怪之得咁有水準，咖啡師仲教咗我好多咖啡知識，估唔到日本餐廳都有咖啡高手。原來tea time都可以過嚟坐吓hi tea飲下啡。我哋食晏坐咗兩個幾鐘，環境超級舒服好寫意。

呢間係朋友搵到既，唔講都真係唔覺呢個位有餐廳，要先上一條長樓梯，落地大玻璃加上樓底高，空間感都幾大😳人客比我想像中多，都係訂檯先會穩陣啲🫣▪️ 晚市一人前套餐 1️⃣ 味噌蜆湯、漬物個味噌湯入面真係有幾粒飽滿既蜆肉，可惜漬物係我唔好既薑片👉🏻👈🏻2️⃣ 小食 - 日本芝士年糕年糕軟糯，咬開係半流心狀既芝士，有淡淡鹹香🧀 3️⃣ 串燒 - 免治雞肉串免治雞肉中有唔少軟骨，口感豐富，塗上左啲甜醬油，再沾上雞蛋漿🍳4️⃣ 主食 - 地雞唐揚咖喱稻庭烏冬 💲158唐揚炸雞塊皮較厚，不過都微脆身既，食落啖啖肉，會偏乾少少🐔咖喱帶點辛辣，有紅蘿蔔、薯仔同埋洋蔥，浸左個稻庭烏冬係裡面，但稍為黏成一坨，要自己撩返散，幸好麵條都算保留到啲煙韌感，同埋幾掛汁🍛5️⃣ 飲料 - 伯爵茶🔎 整體評分（7/10）

今次踩點嘅是一家人氣洋溢嘅餐廳，一入去就覺得環境好有格調🍴。點了滑蛋豬扒飯，豬扒保持到外脆內嫩，滑蛋牛油香味噴噴，與白飯結合得咁天衣無縫，真係滋味十足！再嚟個安格斯稻庭烏冬，嚴選嘅牛肉出乎意料地多汁彈牙，湯底鮮甜無比，啖啖肉，每條烏冬都吸滿咗湯汁嘅精華，啖啖滋味，真係影響我對烏冬的一切想像🍜。飲品方面，熱朱古力濃郁得嚟不膩，而凍Mocha，嚟得清新帶點苦甘，唯獨就係冰太多，一啖落去覺得有啲得過且過。甜品部分，日式芝士蛋糕棉柔細膩，而荔枝芒果芝士蛋糕清新爽口，雜果嘅酸甜係芝士既濃郁中帶出一股清新，令整個味蕾為之一振💖。最後，店內播放嘅音樂同舒適的環境令人嘆為觀止，不知不覺就駐足留連。下回再嚟，肯定樣樣都要試吓，成個食評寫唔完！

都隔咗好幾個月沒有過九龍區食飯，昨晚姪女請食日本野，最後揀咗去佐敦晴舍。見餐廳推出咗晚市一人前超抵食，百幾蚊有齊湯、小食、串燒、main course 及飲品，上年嚟過都未有，而且可以選擇的食品都好多好豐富。我哋叫咗兩個晚餐，再叫咗一啲串燒、刺身、壽司及一啲其它日式等食品。首先要讚下嘅係白鱔真係好肥好juicy,上年食過，今年再食都係一樣咁好食。而牛舌都好正又爽又腍。剌身算係好生鮮，整體而言真係覺得唔錯兼超超超值。最後3個人埋單都係6百蚊，同樣嘅食物如果喺銅鑼灣或者尖沙咀食，肯定超過$1000。另外，最正係唔限我哋時間，地方又寬敞，又近地鉄站，啱晒聚會吹水，由6點幾傾到近10點。

今晚兩個人夜晚黎左呢間，叫左一個刺身定食同丼飯定食，系連埋小食、串燒同前菜。我地7:38分點餐，到8:30時淨係上咗兩杯野飲。究竟咩刺身要煮㗎呢？前菜系味噌湯同漬物，又要煮？已經等左1個鐘，連前菜都未有，想點？到8:50，終於有小食上菜，都系每碟有兩舊，已經餓到暈。跟住刺身定食終於黎啦，個樣唔過分既，不過比$200呢度會唔會少左啲？不過算啦，有埋前菜小食都我都算啦，如果你想等1個鐘先食到既話都不妨可以黎。我比百幾蚊去啲居酒屋小店好過，portion可能仲多，等15分鐘就有得食。真系好唔明白點解食刺身都要等多過1個鐘。唔好忘記，仲有一個丼飯，9pm都未食到。究竟有幾巴閉？我問職員追下個丼飯，佢同我講：「每個客人都係等咁耐，已經煮緊。」what？？？！宜家唔係人地一齊等既問題。係咪如果佢地等兩個鐘代表我又要同意等兩個鐘？問題係我等左1個鐘30分鐘個丼飯都仲未食到，咩嘢都熟啦係咪啊。仲要態度咁差？職員係咪都要起碼講聲唔好意思同扮吓嘢都幫我追下個飯？算啦嗰陣我已經好嬲，淨係想食完快啲走，之後仲有野要做。到9:15pm都未上菜，真系粗口都講埋出黎。我地本身9點有野做，已經延遲左。到最後我地真係頂

完全無禮貌！啲員工！第一次去食！少失望。食物同環境都好好！不過啲員工態度唔好，令我有少少無奈！我只係去食嘢。倒瀉嘢一句sorry都無！ 係好小事！但一句sorry都無！食物有幾好食都冇用！下次唔會再去。我只係食嘢 然後有呢啲事！

店員服務差，可能是老闆，對客人的態度高傲，鄙視，厭惡。我們沒有提出無理的要求，只是正常客人。應該說，他的態度不會讓你提出任何要求。另一位態度較好的，可惜身體有異味。可考慮噴香水，不要靠近客人，影響食慾。食物質素真的是一般中的一般，一般中帶點勁難食。裝修其實幾好。題外話，當晚吃飯十分嘈吵，因為另外一邊他們在搞品酒班，老師講多個飲。我哋食完餐飯，仲未落堂，見到學員聽到瞓著。總結：不必要的嘈吵，食物一般難食，被高傲的店員或者老闆鄙視。

遠離了彌敦道的繁忙，轉角街頭，變得寧靜，找到這一個令人有喘息空間的餐廳，餐廳設計帶點悠閑田園味道。#蒲燒鰻魚定食 好豐富的日式蒲燒鰻魚定食足足有半條鰻魚,加上雞蛋絲和鰻魚汁，每一口也同樣有口感，另有中華沙津和麵豉湯配合定食，這個飽飽。#安格斯牛肉稻庭烏冬，牛肉切的厚薄，剛剛好，容易入口，而且份量也很多，稻庭烏冬香滑，還有蔬菜類粟米椰菜等，另加去了醬油糖心蛋，令到整個稻庭烏冬定食更加滿足。加配優惠中也選擇了#日本迷你甜薯串，細細粒迷你甜薯串，每粒入口容易，而且番薯甜味濃。#鹽燒秋葵串 四條鹽燒的秋葵，加上日本木魚和醬汁。鹽燒的味道中和了秋葵中帶黏性的感覺。#日本芝士年糕 細細件不太甜，我配上latte 是一對美味午餐就終結。咖啡總不能缺少，這裏各式咖啡,更不定時有咖啡拉花班可以參加，咖啡香濃，味道偏fruity。

兩層高玻璃屋，清澈明亮，令人心情舒暢🥰。日間係日式小清新咖啡店，夜晚變成有格調居酒屋✨。餐廳空間感好大，設有吧檯，長檯和連座咕臣梳化座位🛋，播放著音樂🎶。我和朋友都喜歡望街景，所以選擇了窗邊🪟座位。餐單如下：西京燒銀鱈魚定食$148，套餐配沙律、湯和白飯，銀雪魚燒得幾香幾香，肉質滑溜，熱柚子茶跟餐不用加費。牛油果軟殼蟹沙律配稻庭烏冬$108，沙律菜份量頗大，烏冬口感幼滑，配上我喜歡的粟米粒😋。至於咖啡選擇，仍然是我至愛的Dirty（跟餐$18），幾有水準。午市定食可以優惠價加配小食串燒及甜品，我們點了免治雞軟骨串$33🦴，吉列廣島蠔🦪（二只）$48和日式芝士蛋糕$23🍰。雞軟骨香脆，蠔口感鬆化很有蠔味，蛋糕也不錯。👍

佐敦E出口附近嘅呢間「Hare」系一間兩層玻璃日式居酒,呢個位置旺中帶靜，由玻璃窗望出去嘅街景，十分療癒。中午黎到，居酒屋化身CAFE，玻璃外牆透過陽光令人感覺溫馨寧靜而且非常舒適。餐廳用QR code落單，簡單方便，午市定食有十幾款，定食套餐可配咖啡或茶，或加$18轉飲其他咖啡亦可以加錢追加芝士蛋糕。京都風柚子汁豚肉冷稻庭烏冬冷烏冬口感不錯，好彈牙，加入柚子汁凍食爽口適合夏天。豚肉用咗芝麻醬料理，和風味十足。西京燒銀鱈魚定食銀鱈魚肉質細嫩緊實，充滿豐富的鮮味。西京燒用咗味噌、醬油、糖和酒去料理。突顯日式風味。搭配日本米飯、味噌湯、醃漬前菜豐富滿足。南瓜薯餅賣相好正，金黃酥脆，外層酥脆，內部濕潤，咬落去發出「咔咔」聲，好有南瓜味。黑芝麻千層蛋糕：飯後甜點唔錯嘅選擇。晴舍 Hare地址 :佐敦德成街2號本木1樓營業時間:星期一至四；星期六至日 12:00 - 22:00星期五12:00 - 22:30

帶外國放假返嚟朋友嚟食，中小朋友中文明一半唔明一半，上菜時聽唔明侍應態度惡劣。整體上都係充滿不友善同鄙視。嘢食ok, 各種串燒ok, 烏冬ok. 有幾多間餐廳會serve Carbo Brew 啤酒？嚟咗呢間店兩年，之前對佢地咖啡沖得有心機，食物印象都好，又覺得sake 啤酒認識深, 加上店又靚又舒服。帶過唔少朋友嚟。但呢幾個月嚟咗三次都係惡嘅，我哋無做過啲乜嘢令佢地咁，唔會再返去，留返啲惡意俾其他客同佢地自己受喇。

一行六人，有老人家也有身體較弱的朋友，所以就選擇了這裏，地點方便，感覺開陽。有電梯可以上來，也可行樓梯。這裏感覺像日式Cafe aka 居酒屋，枱與枱之間有一定空間，以居酒屋來說，燈光很和諧，而且並不算嘈吵，很適合朋友gathering。先坐下就有人會過來介紹，今晚推薦菜式，而且在場也有唎酒師介紹清酒。可用QR code點菜。除了清酒Menu上的酒可點，唎酒師也會介紹其他menu上沒有的，當晚他先讓我們試了兩三款，選好後就會給我們選擇喜歡的清酒杯🍶😍老實說，菜式出品真的很一般，沒有特別推薦，而且上菜時間也有點奇怪，壽司刺身等都在最後才到？只可說環境搭救，傾偈舒服，完。

位於佐敦德成街2號本木一樓，主打精緻日本菜。筆者當天獲安排坐在近窗邊位置，感覺開揚舒適。夜幕低垂，餐廳的燈光頗為浪漫，適合與另一半來用餐。。筆者點了一客一人前套餐，包味噌湯、小食、串燒、主食、指定跟餐飲料。小食、串燒和飲料都各有六款選擇。不同主食，格價也不同。筆者還追加了一客甜品，到晚餐尾段再叫職員上桌。。晚市一人前套餐📌味噌蜆湯蜆肉相當大粒，肉質飽滿，而且還有少許清酒的香氣，味噌湯味道也不會過鹹，上桌時也是熱騰騰的。。📌小食（六選一）：蟹肉忌廉薯餅薯餅即點即炸，頗為脆身香口。蟹肉忌廉質感滑溜。而且，薯餅有兩件，和朋友來用餐可以分享小食。。📌串燒（六選一）：免治雞軟骨肉串配蛋黃這款串燒是餐廳的招牌菜，輕輕用免治雞肉串戳破日本刺身級蛋黃。味道香甜的蛋黃能吊起雞肉的甜味。而且，蛋黃令串燒整體質感更為滑溜。雞肉串內加了少許雞軟骨，令串燒的口感更為豐富。。📌主食：特上刺身配米飯/稻庭烏冬 - $208帶子、三文魚、赤身、赤蝦各兩件主食上桌了，主要有四款刺身及三文魚子。四款刺身質感爽口新鮮，而且赤身相當厚肉，吃起來過癮又滿足。吃三文魚子當然要用尖頭的日本筷子，能精準地夾起配料。三文魚子外觀飽滿，