高街麵霸 (Closed)

星期日訓到自然醒，唔想周圍去近近地食碗車仔麵.上網搵到高街麵霸，見食評唔錯咪去試下囉⋯⋯蛋花炒腸粉外面煎到脆卜卜，裹面軟淋淋.各式各樣既醬都有但又唔會搶左蛋同蔥既味道，唔錯.當時心諗同網上寫既一樣，期待下一樣.再黎係碗仔翅，我地重加左5蚊要埋辣菜脯.賣相似模似樣，但食落口好似漿糊咁.應該係粉漿太多，材料煮得太耐，攪到淋晒，無晒層次，連菜脯都淡而無味唔爽口.最後黎一碗車仔麵，叫咖哩魷魚黎左魚蛋，但咖哩魷魚無咖哩味.蘿白好甜，但明顯係加糖煮.大腸又老又瘦，最正常都係塊豬皮.