高街麵霸 (Closed)

麻麻哋嘅車仔麵！呢間麵店講到自己好出名，啲嘢食好好味。我食完結論係食物好一般，完全唔值呢個價錢，應該唔會再有下次幫襯佢嘅機會。我叫咗三餸麵: 滷水糖心蛋、墨魚丸、滷水雞翼配米粉同腩汁。本身以為食車仔麵，碗麵可以好快整好上枱，點知都等左十幾分鐘先有得食，有啲失望。食落唯一覺得唔差嘅得滷水糖心蛋，起碼做得返糖心蛋黃效果，滷水味尚算突出。湯底偏鹹重味精，米粉煮得太軟，雞翼有浸雪藏嘅味道，墨魚丸似乎煮得太耐發脹，口感好差。呢度嘅服務都麻麻哋，侍應都唔好耐煩，唔想幫我哋咁，令我對呢度嘅印象大打折扣。

經過車仔麵鋪，見個樣幾企理，入去試試。本來完全無人，問下係咪開門，侍應居然“疾”我一句，打開門做生意，見唔到咩？算，都係同屋企人食碗麵，侍應黑口黑面，叫完野，話可吾可以比杯水我地，侍應板起塊面話：我地呢度無水供應。不只對我地態度惡劣，隔離枱有個太太帶住小朋友，想搭高張凳，個侍應居然大聲喝：吾可以搭d凳架，隻脚會斷。其實呢間餐廳食物又不算差，係貴貴地。不過，我同屋企人食完，異口同聲表示，無去過一間餐廳服務惡劣到這個地步。結論：永不幫襯！！！

今晚同家人想了又想，究竟食甚麼好呢？🤣🤣靈機一觸，終於想到吃甚麼了，就吃這家的，高街麵霸❗❗❗這家車仔麵都吃過好幾次了，每次均點他們的豬大腸😍😍他們的豬太腸不太肥，鹵水得也很入味，而且還冧軟度剛好，唔會好難咬，而豬大腸的質地還是近小腸的，不會是大腸頭的那邊那麼厚，容易吃很多~今次轉新配料，改吃灸燒芝士丸，蘿蔔，墨魚丸，腸仔及生菜，但還是依然美味，都還是整碗麵吃掉，都能吃飽有滿足感，難得不錯的車仔麵~

😩😩通常定期睇完菲臘牙科之後，都會帶兩個小朋友和工人姐姐在附近搵食，👉高街麵霸👈越食越差，由初期有驚喜，到現在覺得一定唔會再幫襯，直頭覺得揾笨，平均每人食一碗價值$50蚊的車仔麵，但係難食，因為已經數次中伏，決定不會再幫襯，所以出個post等附近揾食的人不要中伏，寧願行過對面英記食碗魚蛋粉麵！我哋上次叫咗下面四碗車仔麵，豬大腸淡而無味，墨魚丸個心凍，應該滾唔透，冬菇硬得要命，豬頸肉有臭味，唯一酸齋好味，但好似係雪櫃攞出來，仲係冰凍！！！油麵一吾碗(豬大腸，墨魚丸)烏冬一碗(冬菇，牛肉)幼麵一碗(豬頸肉，腐皮角)粗麵一碗(酸齋，魚片頭)

有時係呢頭做完野，都唔知食咩好因為呢頭都多西餐廳，但一個lunch set都閒閒地要$100up，自己一個食又貴又無癮但原來呢頭有間車仔麵嘅鋪頭😁見佢掛左好多相，好多明星黎食過😆-🥢厚切滷水豬腩片、滷水糖心蛋、紫菜油麵成碗睇落好似日本啲拉麵咁🤣厚切滷水豬腩片好入味，肥肉瘦肉好平均，入口未去到即溶但都好正😁糖心蛋真係糖心😂而且加埋少少滷水味好夾😌紫菜就無乜特別加左麻辣汁，但感覺有啲油，但麻辣味唔錯🤙🏻

車仔麵由麵底至湯底湯汁同餸都任你自由配搭。款式算多，有素有肉，有咖哩汁腩汁麻辣汁。麻辣汁 麻辣芽菜 墨魚丸 鹵水牛坑腩 米粉要讚既係，鹵水牛坑腩炆得入味，份量都算多，牛味同鹵水都好夠。另外，就係秘制芽菜，之前應該用麻辣料被醃過，索曬味，非常野味，又唔會好辣同好油。不過，從圖中可見，麻辣汁好油膩，本身湯底不油，但加左麻辣汁就非常多油，完全唔敢飲。另外，墨魚丸食落無咩味，亦唔彈牙，有點奇怪。米粉份量唔多，無咩飽肚感，價錢都唔係特別平。

某日lunch得閒少少，同朋友走左去西營盤食飯，其實都係隨便入一間。本身係出面睇啲menu以為係食台式野（唔知點解會有咁既錯覺），之後先發現係食車仔麵。車仔麵黎講，我覺得都幾貴，3餸已經成50蚊，冇野飲。同朋友都有點滷水豬手，煮得好淋都入味，但見到啲豬毛咁長冇清，有少少唔開胃。至於朋友果碗，除左豬手，佢仲點左唐生菜同溏心蛋，幼麵底，個麵勁大份，餸就冇咩特別。本身都唔想比負評，但可惜魚皮餃塊皮勁冇咬口又鞋，跟住響鈴又霉又un⋯我真係接受唔到，冇咩事我都唔會再幫襯。

Originally came here for cart noodles, but snacks looked more attractive. Deep Fried Octopus Balls were delicious! Loved its bouncy texture, crispy crust with lots of octopus chunks inside.Prawn Toasts were fabulous. It's not common ones we had with one whole prawn lying on the toast. It's more like deep fried prawn cakes. We loved its crunchy bread crust with lots of sesame on top. Tasty, with or without the tartare dressing provided!~~Pan Fried Rice Rolls with eggs were yummy too! Silky smooth

/高街麵霸🇭🇰/➖➖➖一直見到呢間嘅麵店溏心蛋都好吸引聽個名講得幾有霸氣～😂又係正我屋企附近 種草種左一段時間三餸$38 起😉 質素還好啦➖➖➖叫左咖哩魷魚溏心蛋腐皮角粗麵配腩汁 $46✮鹵水溏心蛋 $12其實又唔係話過熟不過希望可以流心啲鹵水味唔太食到 不過不失🙈✮咖哩魷魚 $11大約有五件左右 偏爽口個別一兩件會重咖哩味啲但另外嘅就去曬湯底到😳所以無咩味🙈✮腐皮角 $10 大約有兩三件左右幾厚肉 感覺有少少似魚角魷魚嘅咖哩味過左黎所以一件食到咖哩味🤣✮粗麵 $13幾彈牙嘅口感 唔會過腍食到湯底嘅味 幾入味 不錯😝✮腩汁 (FREE)見湯底都幾深色 試左一啖幾清 唔算太咸不過咖哩味真係太重所以似係食梗咖哩湯底▫️▫️▫️分數:7/10▫️▫️▫️📍高街麵霸西營盤高街39-41號地下

The food here are nice, tastes very good. However the price is a but too hight, and food is a bit too salty, but acceptable.The food is actually quite delicious, and very crispy. Highly recommended and will visit again in the future! There are plenty of sauce for the 腸粉, which make the dish more amazing and delicious.

好日唔去西環，咁就係西環食埋晚餐先走囉咁就求其喺OpenRice度搵嗰間麵檔食。一去到都冇咩人，得一兩台客，有個呀叔係門口招客，佢嘅打扮同店主題好配合，食得特別有氣氛。個腸粉好食，香口非常；口水雞麵堅辣，食到標汗，最後都係靠車仔麵個入味酸齋+好味湯底建辣

本來都沒有想寫食評，因為面的分量細，無咩話特別好食，不想花時間分享。 只係兩次光顧都計錯錢，而且係差得好誇張，所以想提下大家記得數好錢先走。第一次: 兩碗麵，共$88，俾$100找返$2。(當時無為意，行到中途才發覺$)第二次: 三碗麵，共$142 佢收左我$160無找，個男人走返去廚房，好彩我問佢點解收多，佢就單都無再check就話睇錯左！食兩次都計錯，第二次還不用check就知道自己錯。。。非常奇怪！(明明有計數機又唔用)大家去食記得打醒十二分精神

第一次嚟呢度食野，因為仔仔喺附近學英文，同老婆冇嘢做有少少肚餓所以喺度攝時間，第一次入到去唔係好肚餓，侍應介紹咗我哋食碗仔翅同蛋花炒腸粉，碗仔翅確實係好味，有金華火腿香，炒腸粉更加係不得了兩種食物也很滿意最近一次再去，今次試吓佢啲車仔麵，真係令左野，啲湯好似滾水咁冇黎味道，加辣汁全部都係油，希望可以改善一下🤦🏻‍♂️

星期日訓到自然醒，唔想周圍去近近地食碗車仔麵.上網搵到高街麵霸，見食評唔錯咪去試下囉⋯⋯蛋花炒腸粉外面煎到脆卜卜，裹面軟淋淋.各式各樣既醬都有但又唔會搶左蛋同蔥既味道，唔錯.當時心諗同網上寫既一樣，期待下一樣.再黎係碗仔翅，我地重加左5蚊要埋辣菜脯.賣相似模似樣，但食落口好似漿糊咁.應該係粉漿太多，材料煮得太耐，攪到淋晒，無晒層次，連菜脯都淡而無味唔爽口.最後黎一碗車仔麵，叫咖哩魷魚黎左魚蛋，但咖哩魷魚無咖哩味.蘿白好甜，但明顯係加糖煮.大腸又老又瘦，最正常都係塊豬皮.

目中無人的侍應本來想帶囡囡去食午餐，行到門，一位目中無人的叔叔問我們「幾多位？想食就快啦！好多人嚟緊！」叔叔沒耐性等待我們的回應，一會兒有兩學生來到我們後面，我正開口回答「兩位」，叔叔刻意不應我，目中只有後面踴到的一群學生，同是兩位，叔叔沒有安排我們入座，跨過我們帶兩位學生入座。真是令人氣憤😡，他接著繼續安排學生入座，當我和女兒無到，衝到的學生把我們排擠到馬路邊！越做越差⋯⋯再也不想光顧👎🏼👎🏼👎🏼👎🏼👎🏼