Little Old Town (Closed)

去九龍灣睇戲，睇完戲緊係要醫下肚。見德福廣場2期有間泰國菜，門口都有唔少人等，一於去試下。大概在門口等左20分鐘到就有位。睇睇菜牌有咩野食先，睇圖貌似幾吸引最後叫左串燒(豬，牛，雞) 半打$88食落肉質算滑，唔乾身，但肉粒體積偏小，唔太值呢個價錢。泰式臘腸炒粉絲 $68算多蔬菜，臘腸唔係好多舊，份量偏小，味道不過不失新加玻喇沙利 $78呢度既喇沙，純用米線底，就無用到傳統既米線溝油麵，而且湯底偏油，湯底唔係好香，米線份量亦偏小。大頭蝦冬蔭功湯 2位用 $88成晚較為滿意呢個冬蔭功湯，用鍋上，底部亦有火暖住上枱，所以上到枱都仲係熱辣辣，湯底基本的南薑，香茅等都有，大頭蝦係一隻開兩邊，有少量蝦膏，但肉質鬆散，唔彈牙。湯底味道算唔錯，酸辣適中。兩人埋單連加一，人均消費約$180.總括黎講，個人覺得以呢個價錢黎講，試一次就ok, 因為整體水準不過不失，食物份量偏小，兩人食完都唔算好飽。餐廳環境都唔錯，兩人都有卡位坐，算寬敞，留意番會限時交枱。至於服務屬不過不失，店員有禮，但可能忙的關係，食物食完的吉碗碟堆起左，都要客人要求先會收，唔夠一眼關七。