Oliver's Super Sandwiches (Closed)

有人由灣仔過黎中環陪我食lunch, 由於我只有一小時食飯時間, 所以都會簡比較近公司既地方食飯。又再黎到super sandwiches, 中環依間唔係有好多位, 可以坐大約20人, 食既主要係spaghetti, sandwich, salad 同埋薯仔。由於叫過陣唔記得佢有薯仔, 所以叫左兩個開胃既肉醬扁意粉Combo同忌廉肉醬扁意粉Combo!!肉醬扁意粉combo (加咖啡同湯)　$58茄醬唔係好酸, 但係都好開胃, 肉粒同個汁都夠多, 反而扁意粉分量比其他分店少…正常的, 中環嗎!湯係南瓜湯十分健康, 南瓜湯唔係我想像既咁濃, 但都有南瓜味, 尚算合格。依間買既咖啡, 全部都係illy 咖啡, 個人覺得illy 咖啡好淡, 但味道蠻重。忌廉肉醬海鮮扁意粉combo (加奶茶) $59一樣茄汁唔係好酸, 但係都好開胃, 最估唔到既係忌廉肉醬扁意粉同肉醬扁意粉既味道係有少少唔同既. 忌廉醬比較咸, 可能因為有海鮮。奶茶係英式奶茶,　茶味同奶味都係淡。