勝八居酒屋 (Closed)

登龍街一向都好多日本菜，地下都有好多間拉麵店，但今日朋友帶路，去食居酒屋！第一次上去永光中心的11樓～因為今日都比較遲食lunch，上到去差唔多兩點，好多食客都走了，好快就有位坐！當我上到餐廳，店長即刻同我地介紹，原來逢星期一二三，午市餐牌都八五折！既然係咁，我地即刻揀返自己鐘意食嘅！每個Lunch set都包前菜、沙拉、湯、甜品！好豐富啊！首先是我揀的特選套餐（$128)，可以喺12種丼類揀兩類！最後我揀了鵝肝丼、溫泉蛋照燒牛扒丼！不單只一次過滿足我兩個願望，鵝肝入口即融、而牛肉入味又厚肉，水準極高！仲有香蔥同乾蒜撈飯，食到一粒飯都無剩！朋友叫了八勝刺身定食（$188)，終極豪華午餐！有三文魚、帶子、拖羅、海膽、赤蝦！刺身好新鮮之餘，每件都係厚切，幸福感爆登(⁎˃ᴗ˂⁎)星期一至三午餐有八五折咁抵，一定會再返嚟！好爽啊(❁´ω`❁)