勝八居酒屋 (Closed)

其實都來幫襯過幾次食lunch，印象幾好嘢食質素都唔錯。生熟食比較自己會prefer熟食。整個lunch set包一份沙律🥗+一個前菜（茄子，四季豆之類）+味噌湯+主食+雪米糍。但店面人手有限，好多時會唔記得上齊嘢。好似今日咁，最後都冇比到甜品我。上咗主食先上沙律。野食方面：牛舌都幾厚，配完珍珠米飯好快就食完；美中不足就係冇蔬菜，油分較多；唔推介豆乳雞鍋，雞肉唔滑嫩，湯底冇咩豆乳味。反而牛肉鍋係壽喜燒風味兼足料，更值得試。海膽吞拿魚飯啲魚蓉好似肉餅咁厚都唔錯，但論quality就見仁見智。

今次已經是第三次來幫襯！限聚令下，我預先致電餐廳可否有附近的枱可以俾升我們一行十人來食飯！我們被安排可坐在附近的四人枱，一班好朋友可以在這個情況下出來farewell 好朋友，聚在一起可以享受一下！老闆推介一個時令刺身拼盤，有秋刀魚，金目鯛，池魚，八爪魚等等，味道鮮甜，仲有找第一次食的鮟鱇魚肝（食得太快，忘記影相）入口即融！再配埋美酒，燒物，天婦羅，甲羅燒，蟹粥及野菜蝸，大家都渡過了一個開心的晚上。冇得去旅行，去了這間居洒屋就當自己去左日本啦！

今次已經係第二次嚟呢間居酒屋，第一次去已經覺得性價比高，近排見到佢繼續有八五折呢個優惠又去多次。刺身本人覺得略貴，所以今次冇嗌到。壽司就嗌左炙燒左口魚同帶子鵝肝卷。炙燒左口魚雖然冇入口即溶嘅感覺，但係味道唔錯之餘又有少少彈牙，值得推薦。至於帶子鵝肝卷既帶子同鵝肝mix 埋個味超夾，又有少少入口即溶嘅感覺，簡直無得輸。燒物都係呢間居酒屋嘅主打。燒番薯，大葱地雞，免治雞肉棒係每次去都必叫嘅燒物，食完簡直返唔到轉頭。銀雪魚西京燒都係另一個推介，不過都大份，最好有人share先叫。飲品方面我同男朋友都嗌左杯梅酒。梅酒唔係間間居酒屋都好飲，之前去另一間就好淡茂茂。相反呢間居酒屋嘅梅酒好有梅味得黎又好易入口，所以我同男朋友去左兩次都淨係叫梅酒。試過咁多間伏嘅居酒屋，呢間性價比一定係最高，已經成為左我同男朋友既飯堂🤣

一入到門明明好小人都唔問下幾位。之後因坐中風口位所以要求轉位好彩都有禮貌地俾我地轉位點餐時問員工我們：蝦卷的蝦係天婦羅定炸？佢好好笑問我哋店員：有分別咩？我們：唔好玩啦，好大分別。店員：我入去問下。身為一間日本店竟然唔知天婦羅蝦定炸蝦分別🤦🏻‍♀️真係俾佢搞到冇唒mood然後我地等食物時睇睇下電影店員轉左個電視係到追劇請問你係咪係到番緊工枝豆。太過軟味淋魚干雞泡魚干燒到好濕，夾起係軟既😓雞軟骨雞翼串燒燒蕃薯墨魚咀唐場炸到好硬，炸皮好厚浪費左墨魚咀牛油果軟殼蟹卷海鮮魚湯鍋魚湯好淡味，又冇海鮮味淡味到有啲似用3分2係水3分1係魚湯****呢間店店員既質素真係好有問題服務好差

經openrice訂枱有9折。Orion beer $58, 500ml, 淡淡，送炸池魚仔$78，细條，穴已前有得食，體形、份量、味道較優。牛油果三文魚卷$98，可接受，較細。雜錦天婦羅$116 ，件數少及細，無蕃薯，無珍珠菌，蝦彈，我不稀罕。Sake真澄300ml$148, 大支倒出，冷飲，岩塩同樣份量，價錢100内。燒飯團 $30，無個飯之處。帶子鵝肝卷$98，帶子鮮，鵝肝是俾心去嚼才食到味。和牛炒飯$108，以此價想食和牛，發夢啦，勝咗夠大碟乾爽，香而味適中不咸及濃。此處勝在有日本小店特色，细及逼。

通常做午巿食物和晚上比較都一般般;但勝八吃出久違了的食物熱誠、值得支持！努力、勿敗給COVID-19!今天點了鰻魚定食和自選七款壽司一款卷物定食、加單兩款小食鐵板廣島及鐵板菇帶子。鰻魚軟滑、三文魚子軍艦D魚子好彈、另外拖羅入口即溶雖然有D筋但$178 一set加埋滑嘟嘟嘅牛肉烏冬、不能扣分。唯一覺得前菜沙律可以再改善精緻D、嗰醃物茄子調味好好、嗰湯可以濃少少。總括來說、一定再支持！還有喺D食物熱度很夠、牛肉烏冬湯夠熱"辣辣"!感覺非常好！4.5星！

同同事中午去過兩次第一次叫左刺身定食刺身好新鮮推薦左口魚，鰻魚仲有前菜，湯加細烏冬同甜品女仔黎講份量都幾足值得一試第一次叫雙拼set一個丼飯加三文魚冷烏冬食到超飽

呢間居酒屋既燒物絕對有驚喜!免治雞肉棒$28高質免治雞肉，口感結實唔鬆散，加埋生雞蛋連醬汁一流!-大葱地雞$38燒過既雞串依然保留肉汁，而且好嫩滑，大葱爽口微甜-燒蕃薯$48日本蕃薯香又甜，外皮燒到脆脆地好正-白鱔$78本人好怕白鱔既腥味去唔曬，但呢個完全唔腥! 外皮燒到好香脆，鱔肉微覺彈牙，好滿意～-燒牛舌都燒得唔錯，只係未到驚歎既地步，正常size唔特別厚身，都值得一試。點左福壽純米吟釀，就一般，酒香不足。-燒飯團: 明太子,梅子飯團燒得乾左啲，裡面既飯略為乾硬，未嘗到飯焦的香味，醬汁平庸。感覺明太子/梅子同舊飯團blend in唔到，個味道配搭顯得生硬-天婦羅拼盤整體都ok！炸得都算乾身，炸皮唔厚，有蝦、茄子、南瓜、菇-更多美食推介可以去我IG望望：oneleaf_diary不定期更新～～🙈

好耐都無寫過食評啦，早幾日去左一間好有水準既居酒屋點都要俾個讚距疫情影響，小不免都盡量唔出腳食飯果日老友表示太久沒見，甘我唯有捨命陪君子(可能係自已都餓得太耐)我遲小小到，一去到已經見到甘既陣勢一就坐既時候，侍應已經好快就帶上頭盤差啲餓死既我表示非常高興白蝦炸得爽脆得黎，味帶鮮甜完全保留到白蝦既鮮味，送酒一流來自宮崎既生蠔，非常新鮮，掂一掂生蠔群邊立即收縮味道啖身爽口，好鮮甜拖羅油脂豐富，幸福滿寫順帶一提，上菜前工作人員非常貼心地問我地啲刺身想一人一份甘上，可以衛生啲定想一盤過眾樂樂可以影相呃like由此可見服務訓練有素我地揀左獨樂樂，每份獨立上，真係有啲食梗omakase 既感覺而上菜既時候侍應都会耐心甘介紹下食物既做法同產地基本上同平時食omakase差唔多依度都有好多創意菜色，依個拖羅蓉豆腐，亦配合得非常之好原隻天婦羅炸蝦，炸漿夠薄，做得最好既地方你会見到張相，下面張吸油紙係無咩油完全出到功架甜品方面，唔使多介紹，先上士多啤梨，唸住已經甜美，食完仲要黎多個超甜蜜瓜，完美滿足在場侍應非常健談，如果係愛酒之人，老闆都会親自過黎同你飲两杯，同大家分享下食材既做法同心德完美既居酒屋正正就

見到佢哋做緊八五折優惠，便膽粗粗試吓。一坐低服務已經好好 吾造作 好自然又比紙巾濕紙巾同搓手液 佢哋啲熱茶好熱 我鍾意研究左一輪menu 叫左吾同既嘢食估唔到全部都好好味 尤其係串燒其實我都食過好多吾同既居酒屋 好多都係得過鹹字但係佢哋d串燒好新鮮 味道又啱啱好 燒得好熱好好味😋豚肉蘆筍串雞肉棒雞肝 都好鬼好味我哋仲叫咗蟹腳天婦羅 都好唔錯又食咗加拿大海膽壽司 好yummy 如果你多人食建議你可以自己帶大支Sake 老闆話開瓶費係$100 食多幾次仲有機會免開瓶費添🤪食完佢哋都唔會趕我哋走仲幫我哋斟左幾次茶唔會見你食完就即刻上免費嘅雪糕糯米糍俾你而係你叫咗買單之後先俾你 所以完全唔覺得被趕走嘅感覺 但唔肯定之後經濟復甦會唔會仲可以咁呢👻雖然尋晚星期二但都坐滿曬如果真係要講最美中不足嘅嘢就係冇廁所水囉🤣

好鍾意嚟呢間食lunch因為佢嘅lunch性價比好高同埋多選擇！又有熱食又有冷食☺️ .•自選壽司定食套餐($178)包前菜，沙律，牛肉烏冬同甜品。今次揀咗tuna belly, 牡丹蝦, urchin, crab meat, 最愛嘅左口魚裙邊，scallop同一個random嘅壽司。我想講全部都好新鮮，😋好食到魚嘅鮮味。佢嘅海膽冇腥味，左口魚入口即溶😍如果舊吞拿魚再肥啲就好！ •will definitely come back for dinner!

銅鑼灣日本餐廳多不勝數，貴價壽司店/shabu shabu/拉麵店/居酒屋等，今次黎到比較中價位的勝八居酒屋🏮雜錦刺身拼盤，有吞拿魚腩、吞拿魚、三文魚、帆立貝、甜蝦、海膽等，刺身切得好厚身，新鮮肥美，吞拿魚腩入口融化，海膽鮮甜，性價比高，誠意推介。甲羅燒放上炭爐呈上，蟹膏蟹肉烘得熱辣辣，蟹味濃郁鮮甜，再放上脆卜卜的多士，蟹膏溶化在多士表面，吃得滋味。再來燒油甘魚鮫，魚質油份重，口感嫩滑，相比燒三文魚鮫更有特色，肥美甘香。

今晚星期五去食飯，見到好評多入左間勝八，結果好失望，破壞晒個活動叫左壽司，串燒，同炸物，結果完全唔夠飽，本身啲野食性價比低唔在話下，仲要我叫左個鵝肝帶子卷，等左足足九個字，本身食飽都變番肚餓，我真係呆左，催左兩次都咁慢魚生同一般同連鎖店分別不大。。。。壽司啲飯散嘅。。。。串燒好拿咸。。。。應該以後都唔再幫襯老實咁嘅質素同咁嘅價錢，係日本一早都無得做，呢個價我寧願食放題，我其實好奇怪點解有咁多好評，可能係我唔識欣賞

因為又到了一年一度好姊妹的生日所以早一點找餐廳 就看到勝八有很多好評呢就帶朋友們嘗嘗吧我們是約六點去到的，所以還沒有太多人。地方很舒服的，店員也很有禮貌給我們介紹不同的食物既然是生日又是吃日本料理，不少得酒精吧三位女孩還是喝柚子酒好了，加了冰的柚子酒好清甜的好易入口這個炙燒左口魚邊，好好吃！有入口即溶燒蟹蓋蟹蓋內的蟹肉有很多，3個人吃一份就不會太膩了，不過有點咸還會有幾塊脆脆的包片一起吃，但感覺好想叫一碗白飯呢會遇上好吃的天婦羅真的很難得每款也炸得很好吃，最出色是蝦天婦羅好新鮮好有扎實感魴鮄刺身其實我也是第一次吃的，但店員大推薦就當試下吧！這裡是半份的份量，薄薄的一片很新鮮，不沾上面的醬汁更好吃不過那醬汁是清爽的像柚子汁似的，也不錯真的要嘗試一下，因為連其中一位不吃刺身的朋友也吃了好幾片！鰻魚炒飯不過不失，沒有太大驚喜黑松露蝦多士店員也推薦我們的，是不錯吃的不過也可以不點當我們吃飽了，也很滿足的聊天時，店員突然拿出生日雪糕這是連我也被驚喜了，因為事前真的沒有要求的。我想是因為在點餐和替我們拍照期間，知道了我其中一位朋友生日所以也很貼心的送上生日雪糕，很窩心呢！這間日本料理真的很棒，雖然

和兒子兩個人，一直都好想帶佢黎，趁暑假，終於成事。做完手術唔食得生，無關係，熟食選擇一樣多，好味。美國牛肉薄燒定食 $108碎葱吞拿魚海膽飯 $138前菜有沙律菜，醬茄子，配櫻花蝦味噌湯。好耐冇試過午餐嚟，真係俾佢嘅份量嚇親，有乜理由咁嘅價錢比咁高質素同埋咁多份量？魚生飯我冇食所以我唔寫。我嘅牛肉薄燒裏面塞滿左切碎嘅青蔥，炸過嘅蒜片，牛肉只係用鹽，胡椒調味，最重要係半碟嘅酸醋醬油，一份有八大舊！配埋碗白飯。真係不得了！性價比，極高！