九記潮州打冷菜館 (Moved) New Location

同男朋友放假行完街，突然好想食潮州打冷，所以去左先達旁邊的九記潮州打冷，其實印象中兩、三年前食過，唔錯，所以決定encore 。點知中唒伏！同大家分享一下，我地兩個人叫左四個餸：一）椒鹽豬頸肉，呢個緊要呀，全部炸粉，真係完全一啲都食唔到有豬頭肉。二）豉汁蒸倉魚，我真係第一次食到蒸魚用D鼓油好似日本餐廳魚生點D鼓油，直頭用難食來形容。三) 啫啫雞煲，完全就是將D白切雞放入個煲到，仲要放上枱面凍冰冰嘅感覺，簡直食到想喊。四）蒜蓉白菜仔，呢個係唯一一個可以放入口既菜，而炒呢個餸，相信大家都會認同難度分係一分⋯總之最後結論：好失望，每碟餸份量不多，但因為味道不佳，每一碟都食淨，而最後我地唯有係叫多幾支啤酒填飽個肚離開。短時間內不回頭了！