香湘辣妹 (Closed)

自從港鐵黃埔站通車後，去黃埔覓食方便咗好多。今日同Mr.J食湘菜。湘菜即係湖南菜，係中國八大名菜之一，口味比較重，辣味會比較豐富。店名好有趣，"Spicy Girl">>>辣妹;菜名更有趣，全部都以周杰倫的歌名名命。今日叫咗黑色幽默 涼拌木耳説好的幸福呢 香辣qq蝦牛仔很忙 孜然牛肉菊花台 干鍋有機花菜米蘭的小鐵匠 飯黑色幽默 涼拌木耳味道調得唔錯，唔會辣到食唔到。牛仔很忙 孜然牛肉份量不少，味道非常濃郁，炒得比較乾身。菊花台 干鍋有機花菜雖然是干鍋，但不太辣。花菜即係椰菜花，店家細心將一大棵嘅椰菜花切成一小棵，方便食客進食。椰菜花好爽甜。説好的幸福呢 香辣qq蝦這個可謂今餐的主角。傳遞時會蓋住，避免香氣流失及吹凍，一放上枱隨即開蓋，濃濃嘅蒜香味隨蒸氣而上，非常吸引。底部粉絲份量好多，吸收咗蝦嘅鮮味，蒜頭嘅香味，成為咗全碟精萃，感覺真係幾幸福。每一隻蝦上面都伴隨大量蒜頭，連蝦一齊食，一陣陣蒜頭的辣香味充斥口部每一角落。米蘭的小鐵匠 飯米飯以小砵盛起，有幾粒粟米做裝飾，飯熱又軟熟，不錯。