綠茶餐廳 (希慎廣場)

Open Now

Now Closed

今晚去銅鑼灣，朋友帶我去響內地有好多分店的綠茶餐廳 ，餐廳充滿中國風，食西湖杭州菜。粉絲裹蝦$108鍋入面放了生蝦，粉絲同調味，職員即時席上幫手煮，好香，食落D蝦新鮮爽口，d粉絲好入味，蒜香惹味。砂鍋西施豆腐d豆腐，夠哂滑，砂鍋夠熱，除咗主角，配菜有豬油渣、蝦肉粒、青豆，賣相吸引，味道唔錯，好啱送飯。龍蝦湯泡飯$88個龍蝦湯湯香氣撲鼻，泡飯裏面有啲蝦粒，菜心片，食嘅時候落啲脆米，簡簡單單，享受湯底既精髓，清淡健康之選。高湯蝦乾煮時蔬$58本身想點熗伴龍須菜，不過冇哂，轉點另一個菜，d清湯好清甜，蝦米超多，好鮮味，白菜好嫩，食落好入味好爽口。綠茶餅$28甜品係綠茶餅，表面好多芝麻，勁香，內面有d芋蓉，外脆內軟。我地食到好飽好滿足，下次有機會再同老公食。