Video
Read full review
2023-10-24
445 views
大伏‼️服務衛生垃圾 食物都好普通本身最近好忙，都唔諗住update哩個account。但係今日食左間餐廳真係太伏，一定要警世‼️‼️見哩間野最近有個幾出名嘅foodie介紹，於是黎試下。電話訂左7點半兩位，7點四去到，個侍應話等一等，無問題，之後大概7點35分有兩張4人枱同一張2人枱出黎，個侍應就比左2枱4人入去。以為有得入啦，點知仲有另外有兩個人都係book左7點半，得返一張2人枱，個侍應企左係度，唔識處理，之後由得我地4個人係出面乾等😅。其實好有可能係比兩個4人入去嘅時候出錯左，唔記得左仲有兩枱2人book左位。之後佢完全冇解釋任何野，走左去，我地係出面等多3個字，7點45分嘅時候佢依然係懶理不理，冇任何交代，於是我走入去問佢宜家姐係點，佢都唔識反應，淨係叫我地等一等，果陣已經勁燥底😠，book7點半，已經遲左未入得，仲要完全冇解釋，淨係識叫你等，好似唔知自己做緊乜咁🙄！大佬，你冇枱嘅做咩比人book枱啊？book枱就係唔想排ah ma 🙄。最後成7:56先入到去😑等左26分鐘，咁我Book枱黎做乜？之後見到有另一d人都係book左枱唔入得，姐係唔係一次半次犯錯，而係餐廳根本冇一個有效
本身最近好忙，都唔諗住update哩個account。但係今日食左間餐廳真係太伏，一定要警世‼️‼️
見哩間野最近有個幾出名嘅foodie介紹，於是黎試下。
電話訂左7點半兩位，7點四去到，個侍應話等一等，無問題，之後大概7點35分有兩張4人枱同一張2人枱出黎，個侍應就比左2枱4人入去。以為有得入啦，點知仲有另外有兩個人都係book左7點半，得返一張2人枱，個侍應企左係度，唔識處理，之後由得我地4個人係出面乾等😅。其實好有可能係比兩個4人入去嘅時候出錯左，唔記得左仲有兩枱2人book左位。之後佢完全冇解釋任何野，走左去，我地係出面等多3個字，7點45分嘅時候佢依然係懶理不理，冇任何交代，於是我走入去問佢宜家姐係點，佢都唔識反應，淨係叫我地等一等，果陣已經勁燥底😠，book7點半，已經遲左未入得，仲要完全冇解釋，淨係識叫你等，好似唔知自己做緊乜咁🙄！大佬，你冇枱嘅做咩比人book枱啊？book枱就係唔想排ah ma 🙄。最後成7:56先入到去😑等左26分鐘，咁我Book枱黎做乜？之後見到有另一d人都係book左枱唔入得，姐係唔係一次半次犯錯，而係餐廳根本冇一個有效嘅管理system lol
之後一入去已經feel到地下痴笠笠，黏住隻鞋果種。點知一入去個廁所仲恐怖，先經過佢廚房隔離嘅窄行，地下超級濕，極度嘔心🤮，地下仲有垃圾，好唔乾淨，差d 跣死😵💫，真係嚇死我🤮，以為自己去左咩公廁後巷🤮🤮🤮，睇見已經成餐飯都唔想食。。。(見最後幾張圖，慎入⋯⋯)
食物方面，前菜同湯味道ok嘅，不過不失。主菜叫左beef wellington同西班牙火腿海膽意粉。個beef wellington叫左medium，但係一切開明顯係overcook lol，個樣成舊牛腩咁，真係笑左😂，未至於柴嘅，可以食到，但同medium一d都冇關係，酥皮冇牛油香，又唔酥脆，純粹係有塊野包住舊牛咁lor🤷🏻♀️。個意粉嘅海膽味都唔係咁好💩，只係佢嘗試用大量黑椒去掩飾🤢，d意粉煮到好淋，食左幾啖就冇食😮💨。
仲有一個問題就係佢上菜超慢，而且係冇人收野lol食完個頭盤之後起碼等左廿幾分鐘，都係冇人收野，直到個主菜黎，叫佢收先收😑，(見圖4 個主菜到左，前菜嘅碟仲係度)連d咁基本嘅野都唔做，衰過快餐店。聽見隔離枱話等個主菜等左成個鐘，真係替佢覺得慘😓。
其實二百幾蚊食個飯，唔會expect超高，但至少expect個衛生同服務會好少少，但哩度絕對係衰過茶餐廳。🤢
總結就係：大伏，慳返d時間同錢好過！😡
💸人均消費：~$230
📍二師兄 (新蒲崗)
新蒲崗景褔街85號地舖
Post
