聰嫂私房甜品

Open Now

Now Closed

中學時代成日放學都好鍾意去食聰嫂甜品，但係嗰陣唔係好多分店，估唔到而家旺角都有分店，今日咁啱同中同聚會，咁就一於嚟食啦。因為我哋嚟到嘅時候係八點幾，估唔到咁多客，問咗原來要等半個鐘，如果大家想食嘅話一係早啲或者遲啲或者叫朋友嚟等位啦。咁啱我哋都食到好飽，所以選擇買外賣去公園度食。我就揀咗個杏仁茶雙皮奶，咁凍嘅天氣真係好適合。估唔到佢嘅杏仁味好濃，而且雙皮奶好滑，奶味加埋杏仁味真係好夾，非常適合冬天食啊。另外我朋友就叫咗個楊枝甘露，我見到佢嘅楊枝甘露好多料，而且試咗一啖，酸酸甜甜咁非常開胃，就算食飽飽都好想繼續食。