翠苑甜品專家 (Closed)

住港島既朋友都知翠苑甜品好出名，平時食開佢既紅豆沙，食落足料，又起沙，口感十足，d蓮子白合又多，唔會得水，而佢既甜味我覺得啱啱好，唔會甜到漏，恰到好處😁！今日就試下佢既芝麻胡，打開已經熱辣辣出哂煙咁，攤一陣食落口好香好滑，唔似出面食咁稀，匙羹「不」落去杰杰地，唔會太甜啱我口味，簡直食到停唔到口😆😆不過份量就真係唔多，食完飯後食返個甜品，真係好滿足。😌😌用$18既價錢足料又好食，銅鑼灣真係好少有。