Video
Read full review
2017-12-16
310 views
話說尋日約咗朋友喺佐敦拎野，我係去咗廟街嗰邊，其實尋晚我係未食嘢然之後過去，拎完野之後就覺得真心有啲肚餓👉🏼👈🏼想四圍搵吓嘢食。又唔想中伏，梗係想揀啲有品質保證，甘啱竟然比我見到拎米芝蓮嘅佳佳甜品由於趕住返屋企嘅關係，門面同埋餐牌都唔記得影相添🙊但我想講排隊嘅人其實都唔係十分多嘅，人數都係10個左右，先令我放心。佳佳甜品系之前拎咗米芝蓮，但我知道呢間真係良心店舖，記得之前睇過店舖老闆做訪問，佢係提及到就算拎咗米芝蓮啲甜品都冇乜點加價，尋日去到見到好多都係19-21蚊，相比起出面又貴又唔好食嗰啲，呢個價真係超值。叫外賣我分別叫咗芝麻糊同埋薑汁湯圓，因為聽講呢兩樣係必食，其實芋蓉蓮子西米露我都有啲興趣試㗎，不過一叫就唔叫咁多。我記得上次黎我都好似係食芝麻糊，但已經係好耐之前喇，耐到我都唔記得咗系幾時，但好味嘅食物總會有令人再去既吸引力～尋日係搭巴士返屋企，我返屋企大概45分鐘車程，如果整得較差嘅糖水可能會凍凍地，好慶幸叫咗三碗拎返屋企都仲保持到個溫度首先打開一個我平時比較少食既芝麻糊，一打開個蓋即刻聞到好香既芝麻味。芝麻糊其實一用匙羹撈起就可以睇到個質素係點樣，呢樣野係我媽咪以前做糖水舖所
佳佳甜品系之前拎咗米芝蓮，但我知道呢間真係良心店舖，記得之前睇過店舖老闆做訪問，佢係提及到就算拎咗米芝蓮啲甜品都冇乜點加價，尋日去到見到好多都係19-21蚊，相比起出面又貴又唔好食嗰啲，呢個價真係超值。
叫外賣我分別叫咗芝麻糊同埋薑汁湯圓，因為聽講呢兩樣係必食，其實芋蓉蓮子西米露我都有啲興趣試㗎，不過一叫就唔叫咁多。我記得上次黎我都好似係食芝麻糊，但已經係好耐之前喇，耐到我都唔記得咗系幾時，但好味嘅食物總會有令人再去既吸引力～尋日係搭巴士返屋企，我返屋企大概45分鐘車程，如果整得較差嘅糖水可能會凍凍地，好慶幸叫咗三碗拎返屋企都仲保持到個溫度
首先打開一個我平時比較少食既芝麻糊，一打開個蓋即刻聞到好香既芝麻味。芝麻糊其實一用匙羹撈起就可以睇到個質素係點樣，呢樣野係我媽咪以前做糖水舖所以知道跟住講返俾我聽😛果然令我再次感受到佢嘅吸引力，一撈起系好稠身唔會好似有啲糖水舖整到咁稀。感覺到佢嘅芝麻係打得好靚，食落去嘅芝麻味都好重，甜度亦恰到好處，整體黎講真係冇得挑剔。
芝麻糊
$19
31 views
1 likes
0 comments
然之後就梗係試另一個重頭戲，登登登登～薑汁湯丸，首先講吓薑汁方面，其實堅係好「夠薑」🤣食落去都真係幾辣，本身怕辣嘅人可能都會有啲頂唔順，不過辣得黎係算好飲嘅。另外湯圓方面，大概有六粒左右，數量真係幾多，以$19黎講真係好抵好抵，每一粒都好軟林林，芝麻粒粒分明，連埋薑汁食係冬天真係好正暖笠笠既感覺。
寧波薑汁湯丸
$19
27 views
0 likes
0 comments
Post
