大良八記 (Closed)

又點阿爸去買糖水，今次唔洗特登搭車去，行去就得喇。今次食傳統糖水，買了糖不甩、麥米粥、綠豆沙、杏仁糊。全部屬中下質素。綠豆沙甜到無人有。唔通真係叫糖水就要勁落糖咩！甜到好似d糖唔洗錢咁。除咗甜就咩味都無，沒有綠豆和臭草的香味。麥米粥又係甜到漏。仲要稀liu liu, 完全唔綿。麥米也未煲得夠火候，都無爆花，仲好硬。杏仁糊一貫特色啦！甜甜甜！唔夠"糊"，又係好稀。杏仁淡如無，完全唔知食緊咩。糖不甩算最出色了！唔會好係糖水咁甜。稔中帶煙韌，一口一粒，size 剛好。面頭的花生碎亦充足，每粒糖不甩都能沾上。