楓林小館 (Closed)

平安夜為配合阿媽口味所以安排左呢間楓林小廚食飯，叫左乳鴿，蜜椒金薯牛柳粒，雞粥，炸鮮奶，東星孖寶＜蒸魚＋薑葱焗鮑魚＞，金磚金腐粒。乳鴿好夠味，皮夠脆，唔洗點椒鹽都好好食。牛柳粒夠淋夠味，但阿媽都係嗰句，自己都整到。雞粥唔浠唔杰啱啱好，叫一窩黎左一碗，不過冇問題，好大碗，好味嘅。炸鮮奶自己點沙糖至夠甜，夠脆嘅，不過將炸鮮奶換佢蝦多士會開心d. 不得不提條蒸魚，魚夠新鮮，一d都唔腥，但略嫌洗得唔夠乾淨仲有dd血，好彩冇影響整體味道，阿媽食得好開心。服務好好，態度一流，對得住個價錢。上菜雖然dd慢，但食物質素好好值得等。