尋魚記 (Under Renovation)

今日同屋企人食飯，知道Vcity開左間新餐廳，加上又想食下中菜就決定試下~ 環境幾寬躺，裝修得體，比人感覺幾舒服。一入左就已經放底左熱水壺係枱，入面係熱菜。我地總共嗌左三道菜同三個甜品。首先第一道係大盤香鍋，揀左醬香味。入面都幾多料，有豬耳、牛丸、豬腸等，不過其中蝦就肉質麻麻地，另外午餐肉又唔太夾。食落都香口，配飯食啱啱好。第二道就試左金湯酸菜魚，魚質幾好幾滑，個湯唔係啲好刺激好辣個種，係順口可以就咁飯，加埋啲寬粉幾飽肚。第三道就係大魚頭粉皮湯，呢個幾出色。個湯奶白色好睇又好味😋入面有豆腐、粉皮、白菜做配料，好夾。魚頭啲肉好滑，值得一讚👍🏿至於甜品叫左雪糕黑糖冰粉、酒釀丸子同紅糖糍粑，全部都不過不失，幾好食~總結黎講，價位正路，想食魚又想坐得舒服可以試下！