神戶屋日韓放題

Open Now

Now Closed

重記得大學時同一大班同學成日一齊約埋去食放題，又可以食到飽，中午時段又平，最緊要係人人都一定有野岩食。出到黎做野，人人都話要去食高級日本料理。但我都係會得閒就同返朋友去食放題。今日黎到旺角兆萬中心8/F，神戶屋日韓放題。識食一定係食9點打後既時段，款式一樣多，但價錢會平啲。等緊位時，服務員好貼心會比左一set點菜紙比你睇定食，可以一入到去就order。款式多籮籮，一共有10張。一定會食到你捧住個肚走。你無眼花，我差不多點哂所有既刺身。蝦就已經有4款了，竟然連泰式生蝦都有。係呢13款刺身當中，我最感到驚喜就係北海道角螺刺身，通常螺比人既印象都又硬又無味。但當我將角螺放入口時候好驚喜，好軟但保持好彈牙，而已應該有先煮過 好入味。汽水都幾多選擇，重有紙包檸檬茶···好少見既韓版可樂。作為蝦迷既我每次一定要點鮮蝦串燒同鮮蝦天婦羅。串燒雖然燒得乾，但蝦都唔會乾到柴。天婦羅好香，唔會油膩，有彈性，但粉略微太厚。三文魚燒得太乾，如果鍾意香口既應該會喜歡。牛油燒牛舌，第1 次食呢個煮法，好香。 牛舌比較薄，口感我都係比較偏愛厚切。芝麻雞翼岩岩新鮮出爐，重冒緊煙，雞皮好脆，腌得好入味。一個人2隻都ok。