Museum Cafe at Pier 8

Open Now

Now Closed

平時去中環碼頭都係搭船過尖沙咀多，唔係今日同朋友喺海邊散步，佢帶咗我去Museum Cafe at Pier 8食lunch，都冇留意到觀景台上邊原來有一間咁特別嘅餐廳。呢間餐廳原來係非牟利機構，佢哋支持唔同能力同埋唔同國籍嘅員工。員工們個個都好友善，又有禮貌，會主動提供協助，成個用餐氣氛都好溫馨。餐廳有室內同室外，天氣好嘅時候坐喺外面可以觀賞摩天輪同埋維港景色，真係非常之chill。入面嘅環境都好有特色，有好多新進畫家嘅畫作放喺度寄賣，亦有一D小手作可以購買。食物方面以輕西餐為主，價錢非常相宜。一個set包括湯、墨西哥卷餅、飲品及甜品，總共都只係$155！🥣南瓜濃 - 真材實料，色澤金黃，入口綿密絲滑，香甜濃郁醇厚，每一口都暖胃更暖心。🌯雞肉牛油果卷 - 雞肉🍗嫩滑，牛油果🥑新鮮，加埋清新蔬菜添爽脆，一口下去，口感豐富有層次，營養美味全兼具。🌯烤啡菇蔬菜卷 - 令人驚喜！啡菇烤至香嫩又多汁，意大利青瓜🥒新鮮爽甜，仲有芝士🧀蕃茄🍅同埋生菜🥬，健康美味，素食者嘅佳選。🍫朱古力蛋糕 - 唔會太甜，朱古力味濃郁，店員仲細心地方我哋加熱。