Video
Read full review
2023-05-11
4618 views
去得中環，當然要搵間優質食府，食個午餐都唔例外，我哋今日就鎖定咗呢間星記海鮮飯店。餐廳內已經掛滿晒米芝蓮各項殊榮，一睇就知有幾猛料。我哋嚟到一刻時間尚早，不過轉眼間已經座無虛席，而且食客普遍都係年輕一輩。先嚟個冇味精老火湯，唔算多湯渣，係見到有紅蘿蔔同瘦肉，味道真材實料又唔會過鹹，而且完全冇落味精。小菜套餐$96一份，包括老火湯及甜品，款式有好多選擇，我哋首先就揀咗金沙豆腐蝦粒。成碟小菜呈鮮黃色，鹹蛋味鹹淡得宜，豆腐係用上比較結實嘅板豆腐，加有少少蔥花，送飯一流。 而佢嘅蝦粒係用大蝦再切粒，所以每啖非常爽口彈牙，配合埋鹹蛋黃同豆腐真係一流。另一個小菜都係揀咗配白飯一流嘅鹹魚蓉雞粒茄子煲，入面真係食到有一絲絲嘅鹹魚蓉，另外仲落咗有薑粒，連埋醬汁非常惹味。而且佢嘅茄子仲係每條保留紫色，真係大廚級嘅水準。佢嘅雞粒其實係雞件，每件都非常鮮嫩，比起一般嘅魚香茄子煲再添加一份味道。食呢兩款小菜當然要配個白飯，原本諗住一碗大家開心share，但因為實在太好味，所以我哋再追加一碗。佢嘅鐵觀音都好香，飲得出係上等嘅茶葉沖泡而成。最後嘅糖水先係最精彩嘅一環，有齊雪耳、紅棗、桂圓、蓮子、百合、杞子等等，非常
餐廳內已經掛滿晒米芝蓮各項殊榮，一睇就知有幾猛料。
我哋嚟到一刻時間尚早，不過轉眼間已經座無虛席，而且食客普遍都係年輕一輩。
先嚟個冇味精老火湯，唔算多湯渣，係見到有紅蘿蔔同瘦肉，味道真材實料又唔會過鹹，而且完全冇落味精。
小菜套餐$96一份，包括老火湯及甜品，款式有好多選擇，我哋首先就揀咗金沙豆腐蝦粒。成碟小菜呈鮮黃色，鹹蛋味鹹淡得宜，豆腐係用上比較結實嘅板豆腐，加有少少蔥花，送飯一流。
而佢嘅蝦粒係用大蝦再切粒，所以每啖非常爽口彈牙，配合埋鹹蛋黃同豆腐真係一流。
另一個小菜都係揀咗配白飯一流嘅鹹魚蓉雞粒茄子煲，入面真係食到有一絲絲嘅鹹魚蓉，另外仲落咗有薑粒，連埋醬汁非常惹味。而且佢嘅茄子仲係每條保留紫色，真係大廚級嘅水準。
鹹魚蓉雞粒茄子煲
$96
24 views
0 likes
0 comments
食呢兩款小菜當然要配個白飯，原本諗住一碗大家開心share，但因為實在太好味，所以我哋再追加一碗。
佢嘅鐵觀音都好香，飲得出係上等嘅茶葉沖泡而成。
最後嘅糖水先係最精彩嘅一環，有齊雪耳、紅棗、桂圓、蓮子、百合、杞子等等，非常清潤又唔會太甜，店員見我哋讚不絕口，仲幫我哋每人添多一碗，真係開心大滿足。
糖水
10 views
0 likes
0 comments
Post
