Video
Read full review
2024-11-27
223 views
今日預祝朋友生日 🥰佢鍾意食中菜 所以帶佢嚟試吓呢一間精緻嘅中菜廳見到佢weekend會有brunch set 啱晒佢！🧡前菜 五代同堂五個小菜都十分之精緻 上菜嘅時候 餐廳話俾我哋知要由意大利蕃茄仔逆時針開始食個人最鍾意蔥油帶子同埋慢煮泡椒蟶子皇 食材本身食得出好新鮮所以只要少少調味已經好出色🧡花膠雲吞雞湯個湯一上枱已經見到好濃郁而且花膠好大塊 超級足料 我同朋友都非常之鍾意飲🧡主菜 三鮮雞油蒸野生馬友魚主菜方面 我揀咗馬友魚 我本身係好鍾意食魚嘅 廚師呢個蒸法令到肉汁同調味都鎖住喺魚肉嘅肉入邊 唔單止突顯咗魚肉本身嘅鮮味仲保持咗肉質嘅嫩滑同埋口感 真係好想食多碟！跟住就係超級期待嘅Free flow 點心！作為一個點心愛好者 實在係超級興奮🧡海苔小籠包咬落去第一啖已經有濃濃嘅肉汁爆曬出嚟海苔嘅味道十分之香口濃郁本身我係好鍾意落醋食小籠包 所以問咗職員攞醋 不過職員就同我哋講本身嘅味已經好足夠唔需要加一食落去 發現職員講嘅冇錯🤣加咗反而會搶咗個味，所以建議大家唔需要加醋都得！我同朋友都encore兩粒！🧡西班牙黑毛豬酥呢個黑毛豬酥味道同口感都好有驚喜豬肉加埋醬汁好鬆軟 啖啖肉外層就
佢鍾意食中菜 所以帶佢嚟試吓呢一間精緻嘅中菜廳
見到佢weekend會有brunch set 啱晒佢！
🧡前菜 五代同堂
五個小菜都十分之精緻
上菜嘅時候 餐廳話俾我哋知要由意大利蕃茄仔逆時針開始食
個人最鍾意蔥油帶子同埋慢煮泡椒蟶子皇
食材本身食得出好新鮮
所以只要少少調味已經好出色
🧡花膠雲吞雞湯
個湯一上枱已經見到好濃郁
而且花膠好大塊 超級足料 我同朋友都非常之鍾意飲
🧡主菜 三鮮雞油蒸野生馬友魚
主菜方面 我揀咗馬友魚
我本身係好鍾意食魚嘅
廚師呢個蒸法令到肉汁同調味都鎖住喺魚肉嘅肉入邊
唔單止突顯咗魚肉本身嘅鮮味
仲保持咗肉質嘅嫩滑同埋口感 真係好想食多碟！
跟住就係超級期待嘅Free flow 點心！
作為一個點心愛好者 實在係超級興奮
🧡海苔小籠包
咬落去第一啖已經有濃濃嘅肉汁爆曬出嚟
海苔嘅味道十分之香口濃郁
本身我係好鍾意落醋食小籠包 所以問咗職員攞醋 不過職員就同我哋講本身嘅味已經好足夠唔需要加
一食落去 發現職員講嘅冇錯🤣
加咗反而會搶咗個味，所以建議大家唔需要加醋都得！我同朋友都encore兩粒！
🧡西班牙黑毛豬酥
呢個黑毛豬酥味道同口感都好有驚喜
豬肉加埋醬汁好鬆軟 啖啖肉
外層就整得十分之脆 加埋嘅口感好有層次！
朋友食完呢餐生日飯都好滿意
唔單止嘢食好食 出邊仲要見到好靚嘅海景
職員都好細心同友善
有機會都想帶屋企人再嚟食！
Post
