鏞記酒家

Open Now

Now Closed

已有一段日子無光顧鏞記，星期六晚和家人吃了一頓晚飯，發覺水準差了。酸薑皮蛋：還是做得出色。皮蛋味道香濃，蛋黃處於半熟狀態，更添滋味。淮山螺頭湯：湯底都幾鮮味，湯料首推排骨，一D都唔韌，幾好食。叉燒：好瘦，口感味道普通，收這個價錢完全唔value-of-money。燒鵝(例牌)：叉燒燒鵝應是招牌菜，可惜肉質過韌，亦放涼了，老實說，完全稱不上好食。唯一解釋是這份例牌是上款，肉質普遍較鞋吧！香椒豆豉雞：相較之下，豆豉雞比燒鵝滑多了，OK。古魯蝦球：古魯汁未算突出。蝦球幾新鮮，幾好食。紅燒豆腐：豆腐雖不算很滑，但豆香味出衆，唔錯。蟹肉扒豆苗：OK。鴛鴦炒飯：白汁蝦球無古魯蝦球用料咁好，但都OK。茄汁炒飯實是小弟最愛，酸酸甜甜非常開胃。整體來說，以鏞記收的價錢，食物水準理應比一般食肆高，但事實上並非如此，尤其是招牌燒鵝，更是令人失望。加上鏞記生意滔滔，服務上始終差了一點點。