Video
Read full review
2023-05-16
1317 views
呢間越南餐廳位於中環嘉咸街 大廈入口要穿過啲街邊鋪頭仔 再搭lift上樓上 即使位置咁隱蔽 都無阻一班打工仔放飯時嚟排隊 排咗20-25分鐘先入到座 而我就分開咗兩次去試唔同嘅野食🤩 ✨️生牛肉湯河 $88湯河上菜時已經放咗九層塔,洋蔥,芫荽喺碗裏面 另上辣椒同青檸 牛肉份量都幾多 有成7-8塊 每塊肉都有啲厚度 而且肉質軟嫩而唔鬆散 牛湯濃郁鮮甜 飲咗都唔會口乾 河粉質地偏厚少少 有啲彈性 唔會一夾就好易斷 仲好掛湯 成碗生牛肉湯河可以話係中環No.1🍜🥹 ✨️撈檬孖寶 燒豬肉+炸雞翼 $82我第二次嚟到就試咗撈檬 仲可以配兩款餸 撈檬嘅汁酸度啱啱好 好開胃 碟上亦有有多青瓜絲同蘿蔔絲做配菜 燒豬肉好香 表面微脆內裏亦都唔乾 雖然就有啲啲油膩🐽炸雞翼就略嫌炸粉厚咗少少 成碟撈檬份量都ok多 但不知不覺就食晒😋 ✨️牛油雞翼 2隻 跟餐 +$20牛油雞翼就中規中矩 無話好香好重牛油味 肉質都ok嫩滑 炸粉都係厚咗啲 想嗌小食嗌吓都無妨 但就無話必點 ✨️椰青 跟餐 +$35椰青超大個 而且椰子水滿晒咁制 亦都好清甜 裏面都有超多果肉 嗌嚟獎勵吓自己都幾開心💖 ✨️特色奶茶 跟餐 +$12其實係一
✨️生牛肉湯河 $88
湯河上菜時已經放咗九層塔,洋蔥,芫荽喺碗裏面 另上辣椒同青檸 牛肉份量都幾多 有成7-8塊 每塊肉都有啲厚度 而且肉質軟嫩而唔鬆散 牛湯濃郁鮮甜 飲咗都唔會口乾 河粉質地偏厚少少 有啲彈性 唔會一夾就好易斷 仲好掛湯 成碗生牛肉湯河可以話係中環No.1🍜🥹
✨️撈檬孖寶 燒豬肉+炸雞翼 $82
我第二次嚟到就試咗撈檬 仲可以配兩款餸 撈檬嘅汁酸度啱啱好 好開胃 碟上亦有有多青瓜絲同蘿蔔絲做配菜 燒豬肉好香 表面微脆內裏亦都唔乾 雖然就有啲啲油膩🐽炸雞翼就略嫌炸粉厚咗少少 成碟撈檬份量都ok多 但不知不覺就食晒😋
✨️牛油雞翼 2隻 跟餐 +$20
牛油雞翼就中規中矩 無話好香好重牛油味 肉質都ok嫩滑 炸粉都係厚咗啲 想嗌小食嗌吓都無妨 但就無話必點
✨️椰青 跟餐 +$35
椰青超大個 而且椰子水滿晒咁制 亦都好清甜 裏面都有超多果肉 嗌嚟獎勵吓自己都幾開心💖
✨️特色奶茶 跟餐 +$12
其實係一杯好普通無特色嘅茶記奶茶 奶味茶味都係好普通 無咩特別 比佢特色兩隻字呃咗
總結：
主食生牛肉湯河真係好出色 加埋大大個椰青 呢個組合真係好滿足 喺中環返工要收藏呢間餐廳 想食pho嘅時候就嚟食 絕對可以變成飯堂😋
生牛肉湯河
$88
38 views
0 likes
0 comments
撈檬孖寶 燒豬肉+炸雞翼
$82
38 views
0 likes
0 comments
牛油雞翼
$20
42 views
0 likes
0 comments
椰青
$35
42 views
0 likes
0 comments
特色奶茶
20 views
0 likes
0 comments
Post
