Video
Read full review
2019-02-08
157 views
早段時間已經bookmark左呢間新開既餐廳，今日星期六放假下午經過中環唔知食咩，就一於去試一試。可能今日系星期六，少左一班中環上班客，人流唔算好多。餐廳裏面既裝潢屬於簡單平實，充滿台灣既風格，因為牆身掛左好多幅台灣電影既海報，「那些年，我們一起追的女孩」、「海角七號」、「第36個故事」等，勾起一段段電影情節，而且仲播住台灣既流行曲。餐廳地方唔算好大，有幾張四人枱同單人高枱，一個人來食都非常適合，感覺比較舒適。點菜紙上既選擇一目了然，而我地最後因為有點肚餓，都食左不少，哈哈！鰻魚係我其中一樣最愛，當然要食啦。就咁睇相，相信大家都感受到佢有幾大條。條鰻魚好巨型，長到出晒界，仲長過個碗。鰻魚沾滿鰻魚汁，非常惹味。鰻魚比較腍身，肉質肥美，無咩骨，加上流心蛋，蛋黃伴鰻魚肉，不能不試！而且仲配埋小食，涼拌雲耳、紫薯仔和沙律菜。台灣麵食當然唔少得紅燒牛肉麵啦！湯底濃而不膩，仲有入晒味既白紅蘿蔔同清甜既蔬菜。紅燒牛肉厚身大大件，炆得好腍好入味，而且牛肉帶有筋，容易入口。而麵亦都好有口感，亦都食晒牛肉湯味。可惜白紅蘿蔔只得一件，如果多件就更好。同樣地，牛肉麵都配埋小食。每次食台灣野都想試魯肉飯，想比較
早段時間已經bookmark左呢間新開既餐廳，今日星期六放假下午經過中環唔知食咩，就一於去試一試。可能今日系星期六，少左一班中環上班客，人流唔算好多。
餐廳裏面既裝潢屬於簡單平實，充滿台灣既風格，因為牆身掛左好多幅台灣電影既海報，「那些年，我們一起追的女孩」、「海角七號」、「第36個故事」等，勾起一段段電影情節，而且仲播住台灣既流行曲。餐廳地方唔算好大，有幾張四人枱同單人高枱，一個人來食都非常適合，感覺比較舒適。
點菜紙上既選擇一目了然，而我地最後因為有點肚餓，都食左不少，哈哈！
原條蒲燒鰻魚飯
22 views
0 likes
0 comments
鰻魚係我其中一樣最愛，當然要食啦。就咁睇相，相信大家都感受到佢有幾大條。條鰻魚好巨型，長到出晒界，仲長過個碗。鰻魚沾滿鰻魚汁，非常惹味。
鰻魚比較腍身，肉質肥美，無咩骨，加上流心蛋，蛋黃伴鰻魚肉，不能不試！而且仲配埋小食，涼拌雲耳、紫薯仔和沙律菜。
紅燒牛肉麵
17 views
0 likes
0 comments
台灣麵食當然唔少得紅燒牛肉麵啦！湯底濃而不膩，仲有入晒味既白紅蘿蔔同清甜既蔬菜。紅燒牛肉厚身大大件，炆得好腍好入味，而且牛肉帶有筋，容易入口。而麵亦都好有口感，亦都食晒牛肉湯味。可惜白紅蘿蔔只得一件，如果多件就更好。同樣地，牛肉麵都配埋小食。
魯肉飯
17 views
0 likes
0 comments
每次食台灣野都想試魯肉飯，想比較下同台灣食既有咩分別。佢有得揀細碗，正正岩晒心水。佢所用既魯肉偏向有少少肥，加上蔥花等配料，配搭都算不俗，而飯粒既軟硬都適中，細細碗岩岩好，適合已經有叫主食既額外再試試。
肉燥燙青菜
14 views
0 likes
0 comments
每一餐蔬菜都不能少，所以就叫左肉燥燙青菜。油麥菜青脆鮮嫩，而且好爽口，味道鮮甜，加埋肉燥，變得更惹味。
冷泡苿莉毛尖
18 views
0 likes
0 comments
仙草豆漿
21 views
0 likes
0 comments
一向對冷泡茶情有獨鍾，所以就叫左冷泡苿莉毛尖。飲落好有香茶味，食完咁豐富既一餐可以幫助消滯。而另外一杯係仙草豆漿，覺得個配搭幾吸引就叫左。飲落甜度剛剛好，加了有咬口既仙草，不錯既嘗試。
Post
