文興酒家 (曾昭灝大廈)

Open Now

Now Closed

上個星期日放假同屋企人出街，媽咪話想食燒味，即刻喺Openrice搵到呢間😌我地就試左休閑午市二人套餐 ，平日係$688，假日仲有優惠，價值$520😳套餐包括前菜、是日燉湯、粵式燒泰國櫻桃鴨、主菜、粉/飯 同埋甜品～前菜揀左雞絲粉皮🤪雞肉新鮮嫩滑，味道好清新仲有青瓜絲🥒粉皮比起平時嗰啲更加爽口彈牙，配埋芝麻醬一齊食夠晒開胃🤤燉湯係猴頭菇螺頭雞湯🍲超級滋陰養顏嘅一個湯，啱晒各位女士們😄啲螺頭同埋雞煲完湯之後都唔會好韌，所以全部湯渣都食晒🤣櫻桃鴨基本上每一位客人都會點！真係無令人失望🥰櫻桃鴨外皮烤得酥脆，肉質鮮嫩多汁，鴨肉偏瘦，配上獨特的粵式燒汁，再加埋瀨粉一齊食真係好滿足☺️主菜就係黑毛豬咕嚕肉😍肉質特別有彈性而且豬味濃郁🤭個脆漿唔會好厚👍🏻甜品係千層糕，上枱既時候仲熱辣辣，捲到好似毛巾咁，超煙韌，質地非常綿密彈牙😛有啲似黃金糕～整體來講，價錢都幾划算😃用餐體驗非常滿意。餐廳環境舒適，服務態度友好，菜品既質量同味道都唔錯！尤其係佢地招牌菜櫻桃鴨，絕對值得一試☺️如果咁岩喺中環附近，又想食燒味，不妨去文興酒家試下呢個休閑午市套餐。