can‧teen (世紀廣場)

Open Now

Now Closed

返工一族都想快啲搞掂午餐，慳返時間煲下片 relax下都唔錯。平日嘅lunch去食，座位流轉快，counter 落單後就有位。「快、抵、好味」嘅要求外，亦喺菜式同口味上入手，加入港式回憶同健康等元素，一試難忘，選擇亦夠多！🥢 新店限定、CP 值極高嘅自家明爐燒味飯🥢招牌去骨海南雞、燒鵝髀飯、脆皮燒肉五寶飯：用料上乘，火喉十足🥢新店限定嘅🇹🇭 泰式 assemble 系列：泰式菠蘿海鮮炒飯、泰式雜錦船河、泰式青咖喱雞/雜菜配白飯、泰式濕炒豚肉河粉我就試咗：🍜台灣紅燒牛肉三寶麵($79)三寶有牛筋、牛腩、牛肚，肉質嫩口又鬆軟，一啲都唔韌，快餐都食到呢個質素有小驚喜。湯底清、蘿蔔甜，麵條係闊身嗰種，帶點咬口。🍗燒鴨髀飯 ($65)鴨髀皮脆肉滑，咬開成口都係外皮油脂同肉汁，非常香口，燒得啱啱好😋 髀位大大份，又夠滑溜，食得超滿足，好飽肚啊！🥣南瓜栗子甘荀豬骨湯 (+$11)好足料！真係撈到各種材料，湯底非常鮮甜，飲得出有一定火喉。一碗落肚，個人精神不少。