施心畢老撾餐廳

Open Now

Now Closed

放工約咗朋友去中環食飯，朋友極力推薦呢間食老撾野既樓上餐廳，我好少食老撾嘢就跟咗佢去試吓。本身好鍾意飲魚湯，所以揀左鄉下魚肉全米椰子湯粉，朋友就叫咗牛肉牛丸全米湯粉。大約等5分鐘湯粉送到，大大碗，湯粉口感好滑，入面有好多魚肉，難怪湯底咁好味，魚味香濃加上椰子味既清甜，上面嘅配料同菜都非常出色，為湯粉添一份清新味道。朋友嗰碗牛肉牛丸全米湯粉分量一樣係咁大碗，好多塊厚厚嘅牛肉喺面，湯底酸酸地格外開胃。最後加咗份小食雞翼釀糯米，雞翼炸得脆卜卜，入面養咗啲糯米好好味，本身糯米係會好滯，配上青檸汁就剛剛好。