Sogno Cafe+ (Closed)

我細心體貼嘅男朋友終於識得揀餐廳同我去食飯， 好開心， 食呢個晚餐嘅時候係第一日開返晚市。 好似好耐都冇試過夜晚喺條街度遊蕩再揀個好味嘅晚餐慢慢食。 呢間餐廳係位於商業大廈如果唔做research應該 好難發現 位置都比較隱蔽 一入到餐廳我哋應該係第一台客 畢竟中環區嘅夜晚都唔係太多人 尤其是咁可愛嘅小cafe 餐廳佈置好可愛好多小細節 男朋友比我更加開心🤣餐廳係用手機落單 我哋叫咗唔太多野食。 黑松露煙肉意粉， 上面舊雲非常可愛， 意粉都好香好好食，好creamy, 不過食個後面嚿雲太大有少少食唔曬🤣 玫瑰雞翼， 我好似隱約聽到店員講 雞翼山 唔知兩間舖頭係咪有關係 不過雞翼十分出色 個醬少少甜唔會太膩，然後雞翼炸得啱啱好唔油。 嘢飲我哋叫做一個banana latte. 好重香蕉味都好重咖啡味， 如果鍾意咖啡應該會覺得唔錯。