The Night Market (士丹利街) (Closed)

今日去完PMQ之後，都已經差唔多到晚飯時，朋友話想食台灣菜，所以黎到依度食晚飯。依度比我種感覺係鬧市中有一點寧靜，好適合三五知己黎傾計。鹽酥雞球：每次食台灣野都必定叫會既小食，所以今次亦唔例外叫左。鹽酥雞球炸得非常鬆脆，而且雞肉炸完肉質仲好juicy同鮮嫩添。酸菜煮銀雪魚片：酸菜可以增加食慾，食完醒神又開胃，所以最尾叫左依道菜黎食。銀雪魚索左酸菜湯既味道，肉質嫩滑美味。除左酸菜之外，仲有芽菜，夾埋同銀雪魚一齊食，魚既嫩滑同埋菜既爽口，口感非常夾添。夜市炒飯：炒飯裡面有台灣香腸一齊炒，成個飯沾滿左香腸既味道，炒飯食落去好香口，而且香腸肉質彈牙同埋有d甜味，成個飯好野味，正！台灣牛肉麵：牛肉份量多，肉質咬落去好淋身，輕輕咬落去好容易撕開。湯底牛味濃郁，麵底索滿左牛肉既香味，而且麵底好彈牙，好味！珍珠奶茶：奶茶好香滑，而且仲有香濃既茶味。珍珠口感彈牙，一邊飲奶茶一邊食珍珠，正！