Video
Read full review
2024-12-04
435 views
1935 壹玖叁伍 今日嚟咗呢間喺中環嘅高級中菜館，落地玻璃設計，望到中環夜景，環境氣氛優雅～～ 坐低就叫咗胡羅漢果菊花茶，出面比較少見味道幾甘甜，中菜比較油膩，飲完喉嚨會好舒服～1. 黃金香脆軟殼蟹炸軟殼蟹本身就已經好好食，仲要再撈埋超級多嘅鹹蛋黃，真係超正，上到枱係超級熱，軟殼蟹炸得超級酥脆，鹹蛋黃份量適中，唔會過鹹。份量超級多，兩個人食平均每人都有四舊～2. 蔥爆牛肉蔥爆牛肉係我好鍾意嘅中菜之一，呢個蔥爆牛肉鑊氣十足，牛肉炒得啱啱好，非常鮮嫩，京蔥亦都好香甜，有鑊氣之餘，亦唔會太多油，呢個真係好想撈飯！3. 重慶水煮桂花魚本身叫完唔記得揀辣到會驚太辣，點知上到枱覺得辣得非常之惹味，應該大概譚仔三小辣左右，辣椒同花椒味道都好香濃，桂花魚片非常鮮嫩滑口，啖啖肉，份量都係超級多，下面係芽菜同埋薯粉，水煮魚入邊嘅薯粉真係非常之好食，索晒啲辣汁，一路出汗一路食🤣🤣 4. 松露瑤柱蛋白炒飯炒飯粒粒分明，平時覺得瑤柱蛋白炒飯有啲寡，但呢度加咗黑松露，香味即刻唔同晒，調味方面比較淡，啱晒我用嚟撈餸，因為我真係冇飯不歡～📍地址中環威靈頓街2-8號威靈頓廣場M88 19樓
今日嚟咗呢間喺中環嘅高級中菜館，落地玻璃設計，望到中環夜景，環境氣氛優雅～～ 坐低就叫咗胡羅漢果菊花茶，出面比較少見味道幾甘甜，中菜比較油膩，飲完喉嚨會好舒服～
1. 黃金香脆軟殼蟹
炸軟殼蟹本身就已經好好食，仲要再撈埋超級多嘅鹹蛋黃，真係超正，上到枱係超級熱，軟殼蟹炸得超級酥脆，鹹蛋黃份量適中，唔會過鹹。份量超級多，兩個人食平均每人都有四舊～
2. 蔥爆牛肉
蔥爆牛肉係我好鍾意嘅中菜之一，呢個蔥爆牛肉鑊氣十足，牛肉炒得啱啱好，非常鮮嫩，京蔥亦都好香甜，有鑊氣之餘，亦唔會太多油，呢個真係好想撈飯！
3. 重慶水煮桂花魚
本身叫完唔記得揀辣到會驚太辣，點知上到枱覺得辣得非常之惹味，應該大概譚仔三小辣左右，辣椒同花椒味道都好香濃，桂花魚片非常鮮嫩滑口，啖啖肉，份量都係超級多，下面係芽菜同埋薯粉，水煮魚入邊嘅薯粉真係非常之好食，索晒啲辣汁，一路出汗一路食🤣🤣
4. 松露瑤柱蛋白炒飯
炒飯粒粒分明，平時覺得瑤柱蛋白炒飯有啲寡，但呢度加咗黑松露，香味即刻唔同晒，調味方面比較淡，啱晒我用嚟撈餸，因為我真係冇飯不歡～
📍地址
中環威靈頓街2-8號威靈頓廣場M88 19樓
Post
