Video
Read full review
2021-06-27
63 views
雲壽司呢間壽司店成日都聽人講，見佢咁出名，一直都好心郁郁想去試，上星期趁住去中環睇戲，估唔到咁啱比我見到原來佢係中環開咗分店，於是就特登入咗去食😌我揀咗佢嘅自選壽司12件，包括有：三文魚腩、火炙三文魚腩、池魚、魴鮄、火炙金線鯛、火炙帆立貝、甜蝦、赤蝦、火炙左口魚邊、辣味吞拿魚、蔥吞拿魚腩、玉子。每件壽司嘅size都啱啱好，一口一件，而我比較鐘意嘅就係佢嘅赤蝦、三文魚腩同埋池魚😙 赤蝦壽司非常鮮甜，蝦身夠大舊夠爽口！三文魚腩都同樣大件，魚身油脂豐富，夠晒肥美🤤 而池魚係我比較少食嘅魚，配上姜蓉食亦都係第一次試，佢肉質較爽，姜蓉亦都做到提鮮嘅效果，令佢食落更鮮味😋 而其他壽司亦都係合格以上，整體質素唔錯，唯獨是有某啲魚壽司有少少筋，比較難咬。總括而言，️呢間壽司店我會再encore，一嚟性價比超高，二嚟壽司嘅質素真係唔錯，全部都幾新鮮下！而師傅見到我係咁分唔清邊舊打邊舊，亦都好細心咁講解咗兩三次，非常友善，加分😚
自選壽司12件
$198
9 views
0 likes
0 comments
我揀咗佢嘅自選壽司12件，包括有：三文魚腩、火炙三文魚腩、池魚、魴鮄、火炙金線鯛、火炙帆立貝、甜蝦、赤蝦、火炙左口魚邊、辣味吞拿魚、蔥吞拿魚腩、玉子。每件壽司嘅size都啱啱好，一口一件，而我比較鐘意嘅就係佢嘅赤蝦、三文魚腩同埋池魚😙 赤蝦壽司非常鮮甜，蝦身夠大舊夠爽口！三文魚腩都同樣大件，魚身油脂豐富，夠晒肥美🤤 而池魚係我比較少食嘅魚，配上姜蓉食亦都係第一次試，佢肉質較爽，姜蓉亦都做到提鮮嘅效果，令佢食落更鮮味😋 而其他壽司亦都係合格以上，整體質素唔錯，唯獨是有某啲魚壽司有少少筋，比較難咬。
總括而言，️呢間壽司店我會再encore，一嚟性價比超高，二嚟壽司嘅質素真係唔錯，全部都幾新鮮下！而師傅見到我係咁分唔清邊舊打邊舊，亦都好細心咁講解咗兩三次，非常友善，加分😚
Post
