夢 (Closed)

夢係位中於中環嘅樓上日本料理，佢哋專門做嘅係香港較少見嘅懷石料理，而且佢哋所做嘅菜品每道都好似藝術品一樣咁精緻，好值得用嚟打卡影相。前菜係一個分子料理，上面有士多啤梨泡沫，裏面係有蜜瓜同啫喱，有香甜嘅士多啤梨味，亦有蜜瓜同啫喱嘅口感，好開胃。八寸用咗夏日海灘作主題，因為我哋處於7月，所以用會以夏季作主題，有海灘同太陽傘等作裝飾。入面包含咗四款菜式。夕張蜜瓜西班牙火腿脆鬆餅：用上甜度較高嘅夕張蜜瓜配埋咸香滿滿嘅36個月西班牙火腿，味道夠唒清新，兩者味道好夾，互相突顯出各自嘅甜味同咸香味嘅對比。明太子脆北海道粟米粒：粟米粒有香脆嘅口感，粟米味好濃，夠唒香甜，同明太子嘅獨特味道好夾。紫薯百合果凍：口感非常特別，有著兩款不同嘅口感，味道亦非常清新。純洲南高梅：用豆子包住南高梅，口感脆脆地，味道帶點酸酸甜甜，令人更加開胃。刺身三點，分別係北海道帶子、太刀魚、右口魚，仍然都係用咗海灘作為構圖嘅主題。佢哋所用嘅刺身都係夏天當造，所以特別嘅新鮮同鮮甜，而北海道嘅帶子仲加上青檸汁同竹炭鹽，可以更加突出其鮮甜味。用嚟自北海道嘅牡丹蝦所做成嘅他他，而他他嘅表面仲放咗一點點嘅蝦膏、同埋嚟自法國嘅魚子醬作點綴。